Өнгөрсөн хоногт коронавируст халдварын 85 тохиолдол шинээр батлагджээ.
Үүнээс
- 52 нь Улаанбаатар хотод,
- 33 нь орон нутагт нь бүртгэгдсэн байна.
Мөн хугацаанд халдвараас шалтгаалсан эндэгдэл бүртгэгдээгүй.
Одоогоор уг өвчний улмаас эмнэлэгт 309 хүн хэвтэн эмчлүүлж байгаа бол 909 хүн гэртээ тусгаарлагдан эмчлүүлж байна. Эмнэлэгт байгаа иргэдийн 47 нь хүүхэд бол 13 нь жирэмсэн эмэгтэй байгаа юм.
Эмчлүүлж буй иргэдийн 12 нь нэн хүнд, 42 нь хүнд, 219 нь хүндэвтэр, 36 нь хөнгөн оноштой байна.
Орон нутгийн хувьд дөрвөн аймагт халдвар бүртгэгджээ.
Тодруулбал, Өмнөговь аймагт 28, Дорноговьд нэг, Дорнодод нэг, Ховд аймагт гурван тохиолдол тус тус шинээр илэрсэн тухай Эрүүл мэндийн яамнаас мэдээллээ.
