Өнөөдөр зохион байгуулагдсан нийтийн сонсгол иргэдийн оролцоог хангалттай хангаж чадаагүй, дутуу дулимаг зохион байгуулсан хэмээн Тэвчээр тасарлаа хөдөлгөөний Д.Амартүвшин өөрийн байр сууриа илэрхийллээ. 

Тэрбээр: "Монгол Ардын Намын эрх мэдэлтэй байгаа хүмүүс хэдхэн жилийн дараа бүгд гудамжинд гарна. Энэ эрх мэдэл чинь насан туршдаа үргэлжлэхгүй. Н.Учрал, Х.Нямбаатар гудамжинд гарна. Л.Оюун-Эрдэнэ сайд маань гудамжиндаа гарна. Бүгдээрээ л гудамжинд гарч л байсан. Байнга энэ эрх мэдэл нь байх юм шиг ийм хандлага гаргаж байгаа нь үнэхээр муухай санагдаж байна. Өнөөдрийн энэ хурал нь зүгээр л жүжиг явлаа.
Ийм байдлаар хүний эрхийг хамгаалахгүй, ийм байдлаар жагсаал цуглааны тухай хуулийг сайжруулна гэж байхгүй. Дахиад л эрх баригчдад таарсан, дахиад л иргэдийнхээ амыг хаасан ийм л хууль дахиж батлах нь ээ. Яагаад гэвэл энэ процесс өөрөө дарангуйллын шинж чанартай яваад байна. Бид нар процессоо ардчилсан биш явуулаад байна." гэв.