МҮБХ-ноос допинг хэрэглэсэн дөрвөн бөхийн барилдах эрхийг хассан бөгөөд энэ асуудлаар зарим хүн байр сууриа илэрхийлжээ. УИХ-ын гишүүн асан Б.Жаргалсайхан энэ талаар “Энэ бөх допинг хэрэглэсэн учир барилдах эрхийг найман жилээр хасчээ. Гэтэл өрсөлдөгч  бөх нь допинг хэрэглэсэн тогтоогдсон учир баахан бөхчүүд цол нэмсэн гэнэ. Монгол улсад бүх иргэд тэгш эрхтэй хэдий бөхийн ертөнцөд хууль дүрэм нь өөр өөр үйлчилж үзэгчид нь бухимдаж байгаа гэнэ. Ноёны ч юм уу, улс төрч нарын хамгаалалтад байдаг, намын гишүүн бөхчүүд допинг хүртээд хүч чадлаа нэмээд  гэм зэмгүй өнгөрч болно гэж үү. Эртнээс допинг уусан нь илэрсэн ч нууцын зэрэглэлд хамрагдсан 32 бөхийн асуудал ч байгаа гэнэ. Тэдний асуудал нь хуулийнханд ил болсон ч иргэдэд хаалттай. Допингийн асуудал үзэмж, авлигаар шийддэг бол Монгол бөхөө, допингтой, допинггүй гээд хоёр хуваагаад (Эрлийз монгол морь гэдэг шигээ) барилдуулчихдаг болохгүй юу. Шийтгэл хүртэл өөр үйлчилж заримыг нь цолыг хураана, зарим нь цолоо хураалгана, зарим нь бүр цол нэмнэ, давтан бол найман жилээр хасдаг ч гэх шиг. Их ойлгомжгүй юм” хэмээн хэлэв.