УОК, НОК-оос цаг үеийн асуудлаар мэдээлэл хийх үеэр Рио Тинтогоос ирүүлсэн саналыг тухайд Ерөнхий сайд Л.Оюун-Эрдэнэ дараах мэдээллийг өглөө.

Ерөнхий сайд Л.Оюун-Эрдэнэ: 

Оюу толгойн гэрээ хийгдэх явц түүний дараа Далд уурхайн бүтээн байгуулалтыг эхлүүлэхтэй холбоотой Ч.Сайханбилэгийн Засгийн газрын авсан шийдвэрүүд дээр зайлшгүй эргэж харах зүйлүүд байгаа.  Татвар дээр маш олон ашиггүй зүйлүүдийг санал болгоод тэр нь батлагдчихсан. Татвартай холбоотой асуудлаар арбитрын шүүхэд нэхэмжлэл гаргаад жил гаруйн хугацаанд маргаан үргэлжилж байна. Хоёрдугаарт зардал өсөх тусам өр нь ихсэх бүтэц рүү орчихсон. Тэгвэл бидний хувьд Монгол Улсын Засгийн газар зардал өсөхтэй холбоотой асуудалд ямар ч буруугүй гэсэн байр суурьтай байгаа. 34 хувийг эзэмшиг Монгол Улсын Засгийн газар ямар ч алдаа гаргаагүй. Тийм учраас үүсээд буй өрөө тэглээч ээ гэж байгаа юм. Далд уурхайн зардалтай холбоотой асуудал үүсвэл бид хариуцахгүй. Хөрөнгө оруулагчдын тавьсан саналыг хүндэтгэж судалж байгаа. 

Хэрвээ хөрөнгө оруулагч талд далд уурхайн бүтээн байгуулалттай ч юм уу ямар нэгэн байдлаар зардал өсгөх асуудал гарвал Засгийн газар шууд хамааралгүй байвал бид хариуцахгүй.

34, 66 хувиа яах вэ гэдэг асуудлаа ярихын тулд өмнө нь үүссэн асуудлуудаа цэгцлэх санал тавьсан. Эдийн засаг Дубайн гэрээг байгуулахад хүнд байсан. Гэхдээ Дубайн гэрээтэй санал нэгдэхгүй хэд хэдэн зүйл байгаа. 

Энэ бол Засгийн газрын хуралдаанаар оруулсан бичиг баримт огт биш. Засгийн газрын хуралдаанаар оруулахын тулд заавал Сангийн яам, Хууль зүйн яам, ЗГХЭГ-ын хяналтаар ордог. Гэтэл энэ “Эрдэнэс Монгол” дээр ганцхан хүн шийдвэр гаргачихсан учраас асуудал үүсээд байгаа юм. "Эрдэнэт"-ийн 49 хувьтай холбоотой асуудал мөн л маргаан дагуулдаг. Төрийн эх үүсвэрийг ашиглаад хувьд авсан. Мөн УИХ-аар хэлэлцээгүй.

Мөн Тавантолгой”, “Эрдэнэт”, “Монголросцветмет”, цахилгаан станцууд зэрэг төрийн өмчит компаниуд бий. Эдгээр компаниудын зарим нь Төрийн өмчийн бодлого зохицуулалтын газарт, зарим нь Уул уурхай, хүнд үйлдвэрийн яаманд харьяалагддаг.

Тэгвэл эдгээр компаниудыг бүгдийг нь “Эрдэнэс Монгол” дээр нэгтгэнэ. “Эрдэнэс Монгол”-ын менежмент болон ТУЗ-ийн асуудлыг ирэх жилд багтаан шийднэ.

Нэг үгээр хэлбэл, Зэсийн группийн захирал бөгөөд “Эрдэнэс Монгол”-ын захирал гэдэг л орон тоо байна.

“Тавантолгой”, “Эрдэнэт” тус бүрдээ төлөөлөн удирдах зөвлөлтэй, түүнд нь төрийн албан хаагчид ордог, хоорондоо уялддаггүй асуудлыг ирэх жил төсвийн реформын хүрээнд цэгцэлнэ.

Мөн ашиггүй төрийн өмчит үйлдвэрийн газруудыг татан буулгана. Дээрээс нь ашигтай бол гэрээ сунгадаг, ашиггүй бол цуцалдаг энгийн зарчим руу орох ёстой. Ашигтай ажиллахын тулд хэдэн орон тоотой байх вэ гэдэг тухайн менежерийн шийдэх асуудал” гэв.