Өчигдөр буюу 9-р сарын 21-нд Эдийн засгийн хамтын ажиллагаа хөгжлийн байгууллагаас  дэлхийн эдийн засгийн хэтийн төлөвт хийсэн шинэ тайлан гаргажээ. Уг тайланд 2021 онд дэлхийн эдийн засаг 5.7%-иар, G 20-ын бүлгийн гишүүн орнуудын эдийн засаг 6.1%-иар өснө хэмээн таамагласан нь энэ оны 5-р сард гаргасан урьдчилсан төсөөлөлтэй харьцуулахад тус тус 0.1, 0.2 нэгжээр бууруулсан тоо аж.

Уг тайланд  Хятад улсын эдийн засгийг 2021 он, 2022 онд өсөлт нь тус тус 8.5%, 5.8% хувь гэж таамагласан нь тус байгууллагын 5-р сард гаргасан өсөлтийн урьдчилсан төсөөлөлтэй адил байна.

Дэлхийн эдийн засгийн сэргэлт, өсөлт нь тодорхойгүй хүчин зүйл, ялангуяа КОВИД-19 вирусийн эсрэг вакцинжуулалтын үйл явц удаан байгаа, түүнчлэн вирусийн мутаци орсон хувилбар гарч ирсэн зэрэгтэй холбоотойгоор сулрах ба хөдөлмөр эрхлэлтийн  хүндрэлтэй асуудлыг үүсгэж, дэлхийн ханган нийлүүлэлтийн гинжин хэлхээний дарамтыг даамжруулж болзошгүй гэнэ. Иймээс, улс орнууд шаардлага бүхий макро эдийн засгийг дэмжих болон уян хатан санхүүгийн бодлогыг баталгаажуулахын зэрэгцээ олон улсын хамтын ажиллагааг нэмэгдүүлэх замаар бага орлоготой орнуудад шаардагдаж буй нөөцийн эрэлт хэрэгцээг хангаж, вакцинжуулалт хийх ажлыг нэмэгдүүлэхийг Эдийн засгийн хамтын ажиллагаа хөгжлийн байгууллага уриалж байна гэж тайланд онцолжээ.