Тэрбээр өнөөдөр paparazzi.mn- д өгсөн ярилцлагадаа өөрийнх нь тухайн өдөр гаргасан авир буруу ч гэлээ илэрхийлэх гэсэн санаа нь зөв байсан хэмээсэн юм. Шөнийн цагаар хөдөлгөөн хязгаарласан үед гэрлүүгээ харих гэж явахад нь цагдаа зогсоож, учирлаж тайлбарлахад нь өөдөөс нь ''зайл, буцаад яв'' хэмээн хэлсэн тул үүнд нь бухимдаж шууд дамжуулалт хийсэн гэв.

Мөн тэрбээр коронавирусийг ''далайн гаралтай вирус'' гэсэн юм.

''Согтуугаар жолоо барьсандаа маш их гэмшиж байна, сэтгэл зүйн хувьд асуудалтай байсантай минь холбоотой болов уу. Ард олныхоо хүсэлтээр өнөөдөр СЭМҮТ-д ирж үзүүллээ.Хараал хэлж, төрийн цагдааг доромжилсондоо уучлалт гуйж байна. 

Гэхдээ миний хараал хэлсэн нь буруу ч гэсэн хотын захиргааны хийж байгаа хөл хорио бол БУРУУ. Коронавирус гэдэг зүйлийг монгол хүний дархлаа хангалттай дийлнэ. Хөл хорьсны оронд витамин Ц тараагаад өгчихвөл илүү дээр юм уу гэж бодож байна. 

Хэрэг болдог өдөр гэртээ харьж амжилгүй саатаад 23:00 цаг өнгөрсөн хойно харих гээд явж байгаагаа цагдаад учирласан ч буцаад яв, зайл гэж хэлсэн. Миний гэдэн хөдлөөд шууд дамжуулалт хийсэн. Уур бухимдлаа барьж дийлээгүй миний буруу. 

Уусан хоёр лааз шар айрагдаа хөлчүүрхчихлээ. Уучлаарай.

Коронавирус туссан хүмүүс эмчлүүлэхдээ хэдэн витамин уугаад л эдгэж байгаа. Нийгмийг айдаст автуулж хөл хорих шаардлага байхгүй. Бид монгол хүмүүс учир ''далайн гаралтай'' вирусээр өвдөөд шалихгүй. Бидэнд өөрсдийн гэсэн дархлаа байгаа. Коронавирусээс илүү зам тээвэр, хэрэг төвөг, архины асуудал, гэр бүлийн хүчирхийлэл зэрэг асуудлуудаа шийдье. Сонгуулийн шоу явагдаад байна. Албан тушаалын өрсөлдөөн, мөнгө угаах хэрэг явагдаад байна. Албаар ард иргэдийг цөхрүүлэх төлөвлөгөө яваад байна'' хэмээсэн юм.