Угтаа бол МАН ч, МАНХ ч, зүүн төвийн үзэлтэй нам юм. Тэгвэл МАХН-ын дарга Н.Энхбаяр телевизэд ярилцлага өгөх үеэрээ хэрвээ гишүүд дэмжих юм бол МАН, МАХН  нэгдэнэ гэсэн байр суурийг илэрхийлсэн.

МАХН-ын дарга Н.Энхбаяр: "Дарга бол ирнэ явна. Солигдоно тэгэхээр Н.Энхбаяр гэдэг хүн У.Хүрэлсүх гэдэг хүн намынхаа гишүүдээс асуух хэрэгтэй. Тэгэхгүй бол би энд нийлнэ, нийлэхгүй гээд мэдэмхийрээд суумааргүй байна. Энэ нам ямар миний хувийн өмч биш. Тийм учраас МАН, МАХН-ын анхан шатны байгууллагын дарга, гишүүд хуралдаад санал асуулга явуулж, тэр битгий хэл ард түмний санал асуулга явуулаад ард түмэн, намын гишүүд дэмжигчдийн олонх нь МАН эсвэл МАХН-аас нэгдэх хэрэгтэй. 

Энэ зуун жилийн ойгоороо нэгдэх хэрэгтэй. Нэгдэж зүүн төвийн үзлээ баталгаажуулж, энэ ярьж байгаа зүйлээ хэрэгжүүлье. Байгалийн баялаг аа ард түмэндээ өг. Ийм том зорилтын төлөө нэгдье. Түүнээс учраа олох гээд ширээ сандал хуваах гэж байгаадаа биш. Энэ гаж тогтолцоог засахын төлөө нэгдье гэж гишүүд, ард түмний олонх нь тэгж хэлэх юм бол би ямар ч том царайлж, юу ч яриад нэмэргүй шүү дээ. Өнөөдөр миний уриалж байгаа уриалга маань хүмүүст хүрч байгаа бол улс орон даяар давлагаалаад явах ёстой. Энэ давлагаалны дагуу, олонх юу гэж шийдэх нь вэ харъя. Маш богино хугацаанд явуулах ёстой." гэв.