АНУ-д анх удаа хувийн компанид ундны ус эзэмших, зарах эрхийг худалдана
АНУ-д анх удаа ундны ус эзэмших гэрээг худалдаж эхэлнэ гэж "Wall Street"-ийн төлөөлөгч мэдээлжээ. АНУ-ын “CME Group” компани энэ долоо хоногт зах зээлд 1.1 тэрбум ам.доллараар үнэлэгдэх Калифорни мужийн ундны устай холбоотой гэрээг байгуулах юм байна.
Компаниас мэдээлснээр ус худалдах гэрээ нь хэрэглэгчдэд энэ эрсдэлийг шийдвэрлэх, эрэлт нийлүүлэлтийг илүү сайн зохицуулахад туслах аж.
АНУ-д анх удаа энэ төрлийн гэрээг зохион байгуулах талаар өнгөрсөн есдүгээр сард заралсан юм. Тус улсын баруун эрэг буюу Калифорни мужийн ундны ус ойн түймэр, цаг агаарын хэт халалтын улмаас үгүй болоход хүрээд байгаа юм. Харин ”Блүүмберг”-ээс мэдээлснээр энэхүү гэрээ нь усны үнэ цаашид нэмэгдэхээс сэргийлж, байгалын нөөцийг өөрийн болгож илүү өндөр үнэ хүргэж зарах гэсэн хөрөнгө оруулагчдыг зогсоох зорилготой аж.
Дээрх гэрээнд уснаас олох ашгийг төрийн санд хуримтлуулахаар заасан болохыг хэвлэлүүд онцолж байгаа юм. Ингэхдээ Калифорни мужийн усны өртөг зардлын хувь тогтоосон жишиг үзүүлэлтэд тулгуурласан аж. Харин “CME Group” компани энэхүү гэрээнд гарын үсэг зурах хүмүүсийн талаар мэдээлээгүй байна.
Калифорни мужийн хөдөө аж ахуйн тариалан эрхлэгч, нийтийн усны асуудал эрхэлсэн агентлаг энэ шийдвэрийг эсэргүүцэж байгааг юм.
“CME Group” компанийн дэлхийн үйл ажиллагааны үзүүлэлт, хөрөнгө оруулалтын өөр бүтээгдэхүүн хариуцсан захирал Тим Маккорт “Одоо хоёр тэрбум хүн усны асуудалд нэрвэгдсэн оронд амьдарч байна. Дэлхийн хүн амын хоёр хувь нь дөрвөн жилийн хугацаанд усны хомсдолд орж болзошгүй. Энэ алхам нь устай холбоотой эрсдэлийг шийдвэрлэх чухал үүрэг гүйцэтгэнэ” гэж онцолжээ.
Эх сурвалж: BBC
