Энэ үүднээс та бүхэнд хамгийн сүүлийн үеийн чиг хандлагыг ойлгоход нь тусалж, бизнесээ хэрхэн бэлтгэх тухай мэргэжилтнүүдийн хийсэн судалгааны хураангуйлсан хувилбарыг хүргэж байна. ​​Дэлхийн өнцөг булан бүрт байгаа бизнес эрхлэгч нар эдгээр чиг хандлагад бэлэн байх ёстой хэмээн мэргэжилтнүүд үзэж байгаа аж.

1. Гэрээсээ ажиллах

COVID-ийн улмаас дэлхий даяар 200 гаруй сая хүн зайнаас ажиллаж байгаа гэсэн судалгаа бий. Энэ тоо цаашид буурах нь эргэлзээтэй тул бизнес эрхлэгчид урт хугацаагаар ийм байдалд ажиллах нөхцлийг бүрдүүлсээр байна. Тиймээс ирээдүйд оффис гэдэг зүйл хэрэгтэй юу гэсэн асуулт гарч ирэх юм. Ажиллах хүч алслагдсан үед зарим компаниуд бүтээмж бүр нэмэгдсэн гэх тооцоо бий. Гэсэн хэдий ч гэрээсээ ажиллах нь зарим хүмүүст тийм ч тохиромжтой биш байна. Тиймээс 2021 онд бизнес эрхлэгчид өөрсдийн ажлын байраа эргэн харахаас гадна гэр орондоо ажиллаж буй хүмүүсийг оффисын тоног төхөөрөмжөөр хангах, сэтгэцийн эрүүл мэндийн дэмжлэг үзүүлэх гэх мэт зохих дэмжлэгийг үзүүлэх хэрэгтэй бөгөөд ингэснээр хүн бүр гэртээ тухтай ажиллах боломжтой болно.

2. Мэдээллийг хөрөнгө болгох

Сүүлийн хэдэн жилийн хугацаанд мэдээллийн хэмжээ асар их өссөн. Үйлчлүүлэгчдээ илүү сайн ойлгуулах, шийдвэр гаргах түвшинг дээшлүүлэхийн тулд энэхүү тухайн салбарын мэдээллийг ашигласан бизнес эрхлэгч нар бусдаас давуу байгаа нь тодорхой байна. Ялангуяа цахим орчин дахь мэдээлэлд зөв дүн шинжилгээ хийх нь юунаас ч илүү чухал болжээ. Тиймээс бизнес эрхлэгчид үл хөдлөх гэх мэт бусад хөрөнгөтэй адил мэдээллээ хамгаалж, аюулгүй байлгах хэрэгтэй. Бизнес эрхлэгчдийн анхаарч үзэх өөр нэг чухал зүйл бол шийдвэр гаргах түвшний ойлголтыг олж авахын тулд 2021 онд зөв мэдээллийг хэрхэн олж авах, яаж боловсруулах зэрэг юм.

3. Бизнес загвараа шинэчлэх

2021 онд бизнесийн удирдагч бүр үйлчлүүлэгчиддээ юу санал болгож байгаагаа, бизнесийн чиглэлээр хэрхэн ажиллаж байгаагаа эргэцүүлэн бодох хэрэгтэй. 2020 онд үйлчилгээний салбар гэх мэт салбарууд бүрэн өөрчлөгдсөн билээ. Жишээлбэл, томоохон ресторанууд гэрт хоол хүргэх үйлчилгээ нэвтрүүлсэн мөнтомоохон автомашин үйлдвэрлэгч нар тасалгааны агааржуулагч үйлдвэрлэх маягаар алдагдал хүлээлгүй энэ оныг давж байгаа. Хэдийгээр бизнес эрхлэгчид зах зээл хэрхэн өөрчлөгдөж байгаа болон бизнесийн хувьд ямар өөрчлөлт гарч байгааг үргэлж бодож байх хэрэгтэй байсан ч 2021 онд бизнесийнхээ загварыг шинэчлэх нь урьд өмнөхөөс илүү чухал байх болно.

4. Автоматжуулалт

2021 оны бизнесийн өөр нэг чиг хандлага нь автоматжуулалт юм. Өөрөөр хэлбэл бизнес эрхлэгчид өөрсдийн бизнес дэх хэрэгцээгүй ажилтнуутаа цомхотгон хиймэл оюунаар орлуулж эхэлнэ гэсэн юм. Үүний дагуу агуулах, хангамжийн сүлжээ, тээвэрлэлт, мөн хэрэглэгчдэд зориулсан лавалгааны үйлчилгээ зэрэг нь бүрэн автомат болж эхлэж байгаа. 2021 онд хуульч, эмч эсвэл бусад чухал мэргэжлийн ажлын аль нэг хэсгийг компьютер, хиймэл оюунд өгч эхэлнэ гэсэн таамаг байгаа. Тиймээс та ч гэсэн автоматжуулалтад анхаарлаа хандуулж эхэлсэн нь дээр байх.

5. Төвлөрсөн бус санхүү

COVID-19-ийн нөлөөгөөр үүссэн эдийн засгийн хямралын үр дүнд хөрөнгийн зах зээлүүд савалсаар байна. Энэ нь одоо байгаагаа өргөжүүлэх эсвэл шинэ бизнес эхлүүлэхийн тулд хөрөнгө босгохыг хүсч буй бизнес эрхлэгчдэд бэрхшээл үүсгэж байгаа юм. Үүнийг шийдэх нэг шийдэл бол краудфандинг буюу цахимаар хөрөнгө оруулагч татах, блокчэйн технологи болон бусад төвлөрсөн бус санхүүгийн аргуудыг хэрэглэх явдал юм.

6. Виртуал интерфэйсүүд

Компаниуд дэлгүүр орж үзээгүй үйлчлүүлэгчдэд үйлчилгээ үзүүлэх шинэ арга замыг хайж уралдаж байна. Тиймээс зарим хүмүүс хийсвэр орчин буву виртуал бодит байдал, холимог бодит байдал гэх мэт технологийг ашиглан үйлчлүүлэгч нартаа бараагаа танилцуулах талаар бодож эхлэв. Гэртээ байх даа хийсвэр орчинд бараагаа үзнэ гэдэг бараг л дэлгүүрт байгаа мэт сэтгэгдэл төрүүлдэг болжээ.

7. Орон нутгийн түвшинд ажиллах

COVID-19, АНУ БНХАУ-ын худалдааны дайн, Их Британи Европын холбооноос гарсан гээд олон улс бус бүс нутгийн хэмжээнд үйл ажиллагаагаа явуулах шалтгаан цөөнгүй байна. Олон улсын үймээн самуун бизнесийг тасалдуулж болзошгүй тул компаниуд бараагаа үйлдвэрлэдэг газраа эргүүлэн зарж борлуулах тухай бодож эхлэж байна.

8. Зорилготой ба утга учиртай ажил

Ажлын байрандаа илүү зорилго, утга учиртай зүйл хийхийг хүссэн хүмүүсийн тоо нэмэгдэх хандлага ажиглагдаж байна. Ажиллах хүчинд шинээр орж ирж буй залуус зорилготой, бодит утга учиртай зүйл хийдэг компанид зүтгэхийг хүсэх болжээ. Тодорхой, утга учиртай зорилго тавиагүй, зөвхөн мөнгө хөөдөг компаниуд авъяас чадвартай боловсон хүчин татахын тулд хандлагаа өөрчлөх цаг иржээ.

9. Тогтвортой байдал

Тогтвортой байдал гэдэг ойлголт энэ онд өөрчлөгдсөн гэхэд болно. Коронавирус нь бизнесийн салбарт томоохон цохиолт бослон ч компаниуд байгаль орчны өөрчлөлт нь түүнээс том аюул дагуулдаг болохыг олйгож эхэлсэн юм. Тиймээс хүрээлэн буй орчноо хамгаалах нь тогтвортой байдлын шинэ чиг хандлага болжээ.

10. Нийгмийн оролцоо

Цартахлын үйлчилгээ эрхэлдэг брэндүүд олон нийтийн мэдээллийн хэрэгслээр хэрэглэгч нартайгаа илүү ойртохыг оролдож байна. 2021 онд компаниудыг зөвхөн сурталчилгаа бус, олон нийтэд тустай зүйлсээр нийгэмтэй харьцах ёстой гэсэн үзэл худалдан авагч нарын дунд тархаад байгаа юм. Тиймээс компаниуд ирэх онд нийгмийн оролцоогоо нэмэгдүүлэхээс өөр аргагүй болно.

Эх сурвалж: Forbes