Бидний ихэнх нь "Тэгэж хэлдэггүй л байж" хэмээн амаа барих зүйлсийг хэлэх юмуу хийх тохиолдол бий. Харамсалтай нь зарим хүмүүсийн хувьд энэ нь байнга тохиолддог зүйл юм. Сэтгэл судлаачид ийм байдалд орохгүйг хүсвэл дараах зөвлөгөөг өгдөг байна:

1. Ямар нэг үйлдэл гаргахаасаа өмнө сайтар тунгаа

Гүнзгий амьсгаа ав. Тархи секундэд тоолохын аргагүй зүйлсийг эргэцүүлдэг тул энэ хэдхэн секунд л хэлэх үгээ илүү ухаалгаар шийдэх хугацаа болно. Түүнчлэн гүнзгий амьсгалах нь зүрхний цохилт, даралтыг бууруулж, тайван шийдвэр гаргах чадварыг нэмэгдүүлдэг.

2. Өөрийн хэлэх гэж буй зүйлийн үр дүнд дүн шинжилгээ хийх.

Ихэнх тохиолдолд асуудал нь хангалттай энгийн байдаг тул дүн шинжилгээ хийх шаардлагагүй байдаг. Хэдхэн секундын дотор танд зөв шийдвэр гаргах боломж олгоно.

Гэхдээ заримдаа нөхцөл байдалд дүн шинжилгээ хийхэд цаг хугацаа хэрэгтэй байдаг. Жишээлбэл, нэг хүн компанийнхаа ТУЗ-д сонгогдох боломжоо алджээ. Тэр хэдэн минутын турш нөхцөл байдалд дүн шинжилгээ хийж, компани нь түүнийг ТУЗ-д сонгосон бол илүү дээр гэдгийг батлах зүйлсийг бодож олжээ. Гэвч тэрбээр тухайн үед өөрийг нь сонгосонгүй хэмээн уурлаж бухимдан дээрх баримтуудыг дэлгэхийн оронд нь "Надгүйгээр хол явахыг нь харна" гэх мэтийн үгийг хэлсэн байна. Үүний оронд дахин хэдхэн минут яг юу гэж хэлэхээ бодсон бол нөхцөл байдал өөрөөр эргэх байсан нь тодорхой.

3. Өөрийгөө зөв үгээр идэрхийл

Хэрэв та нөгөө хүний ​​уурыг хүргэх зүйл хэлэхээр бол үгээ зөв сонгоход шаардлагатай хугацааг зарцуулах нь зүйтэй. Мэдээжийн хэрэг, нөхцөл байдал харьцангуй ялгаатай байдаг ч ерөнхийдөө тухайн хүнийг "хүнд цохилтод" оруулахаас зайлсхийх хэрэгтэй бөгөөд аргадахаас илүү өөрийгөө хүнд байдалд оруулахаас сэргийлэх нь чухал юм. Мэдээж хэрэг хүний шийдвэрт зөөлнөөр нөлөөлж чадах үгсийг шууд гаргаж ирэхэд маш хэцүү байдаг. Эцэст нь тэр хүнд нөхцөл байдлыг эелдэгээр,  эерэг талаас нь тайлбарлах хэрэгтэй.

Эх сурвалж: Psychology Today