Юанийн ханш АНУ-ын сонгуулийн нөлөөгөөр савалж эхэлжээ
Мягмар гарагт шөнийн цагаар валютын ханш тус улсын зах зээл дээр ам.долларын эсрэг 1.4 хувь хүртэл унав. Энэхүү уналт нь 2018 оны 2-р сараас эхлэн АНУ-Хятадын худалдааны дайны эхэлснээс хойших хамгийн огцом уналт байв.
Висконсин, Мичиган дахь саналын тооллогын дараа Жо Байденийн сонгогдох төлөв сайжирснаар ам.долларын ханш эргээд өсч эхэлсэн юм. Лхагва гарагийн сүүл гэхэд ам.долларын ханш 0.9 хувиар өссөн байна.
Юанийн оффшор зах зээл дэх хэлбэлзэл нь эдийн засагчдын дэвшүүлсэн зарим таамаглалыг баталж байгаа юм.
Нэгдүгээрт: Жо Байден ба Ардчилсан нам сонгуульд ялалт байгуулна гэсэн анхны таамаглалыг тусгасан байна. Гэхдээ түүний бүрэн ялалт эргэлзээтэй хэвээр байгаа учраас хөрөнгө оруулагч нар хувьцаагаа яаралтай зарж эхэлсэн юм.
Хоёрдугаарт: Ерөнхийлөгчийн сонгуульд нэр дэвшиж буй хоёр хүний хэн нь ялахаас шалтгаалж Хятадын бодлого өөрчилөгдөнө. Ерөнхийдөө Трамп АНУ, Хятадын харилцааны хувьд илүү сөрөг, Байден илүү эерэг нөлөө үзүүлнэ. Гэсэн хэдий ч, хэвлэл мэдээллийн хэрэгслүүд дээр гарсан сүүлийн үеийн нийтлэлүүдийн онцолж байгаагаар Байден ерөнхийлөгч болсон ч сенатын нөлөөгөөр Хятадад өгөөжтэй шийдвэр гаргах боломжгүй гэжээ.
5-р сарын 28-наас хойш юанийн ханш жилийн хамгийн доод түвшин буюу 7.16 ам долларт хүрснээс хойш байдал дээрдсэн юм. Энэ нь Хятад улс COVID-19 цартахлыг амжилттай хязгаарлаж, Европ, АНУ дахь эдийн засгийн өрсөлдөгчид нь буруу алхам хийснээс үүдэлтэй. Гэвч цартахлын гамшиг нь тус улсын эдийн засгийн хэвийн байдалдаа эргэн орох гэсэн бүх оролдлогыг зогсоож байгаа юм.
Юанийн ханш сүүлийн үед чангарч байгаагийн бас нэг хүчин зүйл бол АНУ-ын Холбооны нөөцийн сан COVID-19-ээс үүссэн хямралыг зогсоох зорилгоор бодлогын хүүгээ бууруулсан ч Хятад улс бодлогын хүүгээ 4 орчим хувь болгон нэмэгдүүлсэнтэй холбоотой. Ингэснээр Хятад иргэдийн өрийн дарамт тодорхой хэмжээгээр буурсан юм.
Жо Байден сонгуульд илт давуу ялагчаар тодорсон тохиолдолд түүний юаний ханш нэмэгдэх нь гарцаагүй. Мөн барууны орнууд дахь COVID-19-ийн эсрэг авсан алхамуудаас үүдэн зээлийн хүүгийн дарамт буурч байгаа тул юанийн ханш цаашид чангарах төлөвтэй байна. Хятадын эдийн засаг сэргэснээр дэлхийн хөгжингүй орнуудын ихэнх хэсгийг ардаа орхих болно. Хятадын засгийн газрын улс төрийн тэргүүлэх чиглэлүүд урьд өмнөх шигээ шийдэмгий хэвээр байгаа учраас юанийн ханш чангарах боломж байсаар байна.
Эх сурвалж: geopoliticalmonitor
