Өнгөрсөн 1-р сард The Lancet сэтгүүлд гарсан коронавирусын тухай нийтлэлийг анх уншаад Угур Сахин компанийнх нь боловсруулж буй мРНХ дээр суурилсан хавдрын вакцин нь коронавирусын эсрэг вакцин бүтээх явцыг түргэвчлэх боломжтой гэж үзэж, компанийнхаа 500 гаруй ажилчдыг коронавирусын эсрэг вакцинд ашиглах боломжтой мРНХ технологийг боловсруулах ажилд дайчилжээ.

Угур Сахин нь BioNTech компанийнхаа гүйцэтгэх захирлаар харин эхнэр Озлем Тюречи нь Эмчилгээ хариуцсан захирлаар ажилладаг аж. Даваа гарагт Америкийн Pfizer компаниас BioNTech компанитай хамтран гаргаж авсан коронавирусын эсрэг вакцин нь клиникийн 3-р шатны туршилтын үр дүнд коронавирусээс 90 гаруй хувийн үр дүнтэйгээр урьдчилан сэргийлж чадаж байгаа талаар баярт мэдээг дэлхий даяар хуваалцсан юм.

Pfizer компани коронавирусын эсрэг вакциндаа өмнө нь хаана ч ашиглаж байгаагүй BioNTech компанийн эрдэмтдийн боловсруулсан мРНХ технологийг ашиглаж байгаа нь хүний биед вирустэй тэмцэх эсрэг бие үүсгэдэг аж. мРНХ буюу мэдээ дамжуулагч РНХ технологийг боловсруулсан Угур Сахин, Озлем Тюречи нарйн хувьд хоёулаа анагаахын мэргэжлээр төгсөж, хавдрын салбарт тууштай ажиллаж буй хос юм. Хосууд 2016 онд Ganymed Pharmaceuticals компаниа 1.4 тэрбум ам. доллараар зарсан ба Вельм ам Зоннтаг сонинд бичсэнээр тэд ХБНГУ-ын хамгийн баян чинээлэг 100 хүний жагсаалтанд багтдаг аж. Pfizer компанийн даваа гарагт хийсэн мэдэгдлийн дараа Нью-Йоркийн Насдак хөрөнгийн бирж дээр BioNTech компанийн үнэ 25.72 тэрбум ам. долларт хүрчээ.

Өнгөрсөн жил тус компанийн үнэ 4.6 тэрбум ам. доллар байсан аж. Угур Сахины хувь Туркийн Искендерун хотод төрсөн ба 4 настайдаа гэр бүлийн хамтаар Германы Кёльн хот руу нүүжээ. Түүний аав Кёльн хотод байрлах Форд компанийн үйлдвэрт ажилладаг байжээ. Тэрээр их сургуульд сурч байхдаа Озлем Тюречитэй танилцаж гэр бүл болсон ба хосууд анхнаасаа л хавдар судлалын салбарт ажиллах өндөр эрмэлзлэлтэй байжээ.

Эх сурвалж: CNN