"Nokia" компани саран дээр үүрэн холбооны сүлжээ байгуулахаар "NASA"-аас 14.1 сая ам.долларын санхүүжилт авчээ
"Nokia" компанийн Америк дахь салбар саран дээр анх удаа үүрэн холбооны сүлжээ хөгжүүлэх үүднээс НАСА-аас 14.1 сая ам.долларын санхүүжилт авчээ.
Саран дээр LTE/4G үүрэн холбооны сүлжээ байгуулснаар удаан хугацаагаар амьдрах чадварыг дээшлүүлэх, сарны чиглүүлэгчид, навигаци зэрэг чухал асуудлуудыг холбож өгөх зорилготой юм. Радио телескоп нь одон орон судлаачдын хувьд маш чухал асуудал юм. Их Британийн Манчестерийн Их Сургуульд сурч байхдаа радио одон орон судлалын анхдагчдын нэг Бернард Ловелл хотын трамвайн чимээ радио телескопийн ажилд томоохон саад тотгор болж байгааг олж мэдээд их сургуулиас төхөөрөмжөө өөр газар руу шилжүүлэхийг ятгаж байсан юм.
Түүнээс хойш радио телескопын ажиллагаанд саад болох чимээнээс зайлсхийхийн тулд улам бүр алслагдсан газарт угсарсаар байгаа бөгөөд удахгүй Өмнөд Африк, Австралийн алслагдсан бүс нутгуудад "Square Kilometer Array" (SKA) хэмээх дуран байгуулахаар болжээ. Энэ нь гар утас, богино долгионы зуух зэрэг нийтлэг саад болдог эх үүсвэрүүдийг байхгүй болоход туслах юм. Гэсэн хэдий ч газар дээрх радио телескопууд хиймэл дагуул гэх мэт сансрын эх үүсвэрүүд эсвэл ирээдүйн сарны цахилгаан холбооны сүлжээнээс бүрэн зайлсхийж чадахгүй.
"Nokia of America"-ийн Саран дээрх шинэ үүрэн холбооны сүлжээ нь дээрх саадуудыг бүрэн арилгаж, одон орон судлаачдад илүү найдвартай өгөгдөл олж авах боломжийг олгоно. Энэхүү шинэ бүтээн байгуулалт нь радио телескодоос хүлээж авах мэдээлэлд нөлөөлөх агаар мандлын өгөгдлийг багасгах бөгөөд ингэснээр сансарт авсан гэрэл зургийн чанарыг мэдэгдэхүйц сайжруулах аж.
Артемис хөтөлбөрийг дэмжих НАСА-гийн санхүүжилт
НАСА нь Америкийн 14 компаний дотроос "Nokia of America"-г ирэх арван жилийн эцэс гэхэд Саран дээр тогтвортой Артемис хөтөлбөрийг үйл ажиллагааг эхлүүлэхэд туслах олон төрлийн технологийг хөгжүүлэхээр сонгожээ.
НАСА-ийн төлөөлөгч Жим Бриденстайн "НАСА есөн муж даяарх АНУ-ын жижиг, том бизнес эрхлэгчдтэй хамтран ажиллах болно. Энэхүү технологийн салбарт оруулсан томоохон хөрөнгө оруулалт нь сансар огторгуй болон сарны гадаргуу дээр хийх боломжтой зүйлсийн тоог өргөжүүлнэ. НАСА болон хувийн байгууллагууд хамтдаа саран дээр тогтвортой оршин тогтнох, Ангараг гараг руу чиглэсэн хүн төрөлхтний аяллыг дэмжих зорилгоор олон тооны нээлт хийх чадварыг бий болгож байна." гэж хэлжээ.
НАСА-ийн энэхүү түншлэлд хамрагдсан компани бүр төслийн нийт зардлын тодорхой хувийг бүрдүүлэх ёстой. НАСА-ийн нөөцийг аж үйлдвэрийн хувь нэмэртэй хослуулах нь сансрын чухал технологийг хөгжүүлэхэд зайлшгүй шаардлагатай юм.
Артемис хөтөлбөрийнхөө хүрээнд НАСА шинэ багийг 2024 онд сарны гадаргуу руу илгээхээр төлөвлөж, арван жилийн эцэс гэхэд тэндээ тогтвортой оршин суух суурин бүтээх болно гэж мэдэгджээ. Агентлаг Сарыг ашиглан дараагийн том алхам болох Ангараг гаригт хүрэхээр төлөвлөж байгаа аж.
Эх сурвалж: innovationnewsnetwork
