"Арабын Нэгдсэн Эмирт улс Тель Авивт аль болох ойрын хугацаанд Элчин сайдын яамаа нээхийг хүсч байгаагаас гадна Израил ч мөн Абу Дабид Элчин сайдаа суулгана гэж найдаж байгаа” хэмээн Израилын Гадаад хэргийн сайд мягмар гарагт мэдэгджээ. Эмирт улсын Гадаад хэргийн сайд Абдулла бин Заид Аль Нахайянаас Израилийн Гадаад хэргийн сайд Габи Ашкеназид илгээсэн захидал Тель Авивт мягмар гарагт ирсэн байна.

Израилийн Гадаад хэргийн сайд Ашкенази энх тайван амар амгаланд хүргэж, бүхэл бүтэн бүс нутгийг сайн сайхан ирээдүйд хөтлөх алхам хийсэнд нь Абу Дабид талархаж байна гэж Арабын сэтгүүлчдэд ярьсан байна.

Харин Гадаад хэргийн сайдынхаа захидлыг Тель Авивт дайж ирсэн Арабын Нэгдсэн Эмирт улсын эдийн засаг, сангийн асуудал эрхэлсэн сайд нар болон бусад албаны хүмүүс Израилтай хоёр улсын иргэдийг визээс чөлөөлөх дөрвөн талт гэрээ байгуулсан байна.

Израиль нь байгуулагдсан цагаас хойш хүртэл Персийн булангийн Арабын орнуудтай дипломат харилцаагүй байсан юм. Гэвч тус улс нийтлэг нэг тулгамдсан асуудалтай байдаг Ирантай албан бус харилцаатай байжээ.

Арабын Нэгдсэн Эмирт улстай энхийн хэлэлцээр байгуулсан нь Палестины эрх баригчдад гэнэтийн цохилт болжээ. Учир нь Палестины Ерөнхийлөгч Махмуд Аббасын хэвлэлийн төлөөлөгч мэдэгдэл хийхдээ, уг хэлэлцээрийг "урвасан үйлдэл" хэмээн үзэж байгаа илэрхийлээд, тус улсаас Арабын Нэгдсэн Эмират Улсад суугаа Элчин сайдыг эргүүлэн татахаар болсноо мэдэгдсэн байна.

Харин АНУ-ын Ерөнхийлөгч Дональд Трамп, Израилийн Ерөнхий сайд Беньямин Нетаньяху болон АНЭУ-ын угсаа залгамжлах Хунтайж Мохаммед Аль Нахаяан нарын хооронд байгуулсан хэлэлцээрийг “үнэхээр түүхэн үйл явдал” хэмээн мэдэгдэв.

1948 онд Израиль тусгаар тогтнолоо зарласнаас хойш гурав дахь энхийн хэлэлцээр байгуулж байгаа нь энэ юм. Өмнө тус улс Египет, Иордантай ийм хэлэлцээр байгуулж байжээ.

Эх сурвалж: BBC