АНУ-ын нэг, Оросын хоёр сансрын нисгэгчийг авч явсан Оросын Союз хөлөг лхагва гарагт Казахстаны Байконур сансрын буудлаас хөөрч дэлхийн тойрч амжилттай тойрог замд хүрсэн гэж Оросын сансрын агентлаг Роскосмос шууд дамжуулав.

Олон улсын сансрын станц (ОУСС) руу аялах багийн гишүүдийн нэг болох НАСА-ийн микробиологич Кейт Рубинс нь 2016 ДНХ-ийн дарааллыг тогтоосон анхны хүн болсон юм. Тэрбээр Оросын сансрын нисгэгчид Сергей Рыжиков, Сергей Куд-Сверчков нарын хамтаар аялж байгаа аж.

Энэхүү даалгавар бол АНУ-ын нисгэгч суух Оросын хамгийн сүүлийн хуваарьт нислэг юм.

НАСА-ын сансрын хөтөлбөр 2011 онд дууссанаас хойш НАСА сансрын нисгэгчдээ дэлхийгээс 400 мянган м-ийн дээр орших тойрог замын лаборатори болох сансрын станц руу хүргэхэд Орос улсын сансрын хөлтөлбөрийг ашиглаж иржээ. 

АНУ-ын сансрын агентлаг 2014 онд Элон Маскийн SpaceX, Boeing Co BA.N компаниудтай гэрээ байгуулж, НАСА-гийн хараат бус байдлыг сэргээхийн тулд өрсөлдөх чадвартай сансрын хөлгийг бүтээж эхэлсэн билээ. 

Найман тэрбум ам.долларын өртөгтэй хөтөлбөр нь SpaceX-ийн өнгөрсөн 5-р сард сансрын станц руу хүнтэй анхны аялал хийх боломжийг олгосон бөгөөд энэ нь арав гаруй жилийн хугацаанд АНУ-ын хөрснөөс хийсэн анхны аялал болсон юм.

НАСА нь ОХУ-аас багийн гишүүдийн суудлыг нэмж худалдаж авсан ч нислэгийн хөтөлбөр удаашралтай байсан тул Рубинсийн нислэг ийнхүү хамгийн сүүлд хөөрсөн байна. 

АНУ үүнээс хойш SpaceX-ийн Crew Dragon пуужингаар сансарт хүрэхээр төлөвлөж байгаа юм.

"Бид гайхалтай хамтын ажиллагаатай. Бид энд байгаа багуудаа үргэлжлүүлэн сургаж, сансрын нисгэгчдийг Жонсоны сансрын төвд авч ирж бэлтгэх болно."" гэж Рубинс нисэхээсээ өмнө Оросын Оддын хотоос өгсөн ярилцлагадаа хэлжээ.

НАСА, Роскосмос нар нислэг хуваах түншлэлээ үргэлжлүүлэхээр амлаж, Оросын сансрын нисгэгчдийг АНУ-ын тээврийн хэрэгслээр нисгэж, шаардлагатай үед АНУ-ын сансрын нисгэгчдийг Оросын пуужингаар нисгэхээр ярилцаж байна гэж Роскосмосын төлөөлөгч Ройтерс агентлагт ярьжээ.

"Мэдээжийн хэрэг харилцан нислэг хийх нь ОУСС-ийн найдвартай байдал, үйл ажиллагааг таслахгүй байхад нөлөөлөх нь мэдээж."" гэж хэвлэлийн төлөөлөгч хэлэв.

Эх сурвалж: Reuters