Ингэснээр Английн бизнесийнхэний хувьд эдгээр хуванцар зүйлсийг худалдах, нийлүүлэх нь хуулиар хориотой болж байна. Англид жил бүр 4.7 тэрбум хуванцар соруул, 316 сая хуванцар халбага, 1.8 тэрбум хуванцар иштэй хөвөнтэй мод хэрэглэдэг юм байна. Эдгээрийн дийлэнх нь далай тэнгист хаягдаж, их хэмжээний бохирдол үүсгэдэг.

Байгаль орчин хамгаалагчид Английн засаг захиргааны энэхүү хоригийг таатайгаар хүлээн авсан ч эдгээр бүтээгдэхүүнийг бизнесээс гадна бусад салбарт хориглохыг шаардсаар байгаа юм байна. учир нь Англид эмнэлэг, ресторан, шар айрагны газруудад хөгжлийн бэрхшээлтэй иргэд болон бусад эрүүл мэндийн шалтгаантай иргэдэд нэг удаагийн соруулаар үйлчлэхийг зөвшөөрч байгаа юм байна.

Уэльсийн орон нутгийн захиргаа ч мөн нэг удаагийн хуванцар эд зүйлсийг хэрэглээнээс хасах асуудлыг хэлэлцэж байгаа аж.

Мөн 2021 оны 1-р сараас эхлэн Франц болон Тайланд улсын эрх баригчид нэг удаагийн хуванцар сав болон уутыг хэрэглээнээс хасах шийдвэр гаргасан байна. 

Ирэх оны 1-р сарын 1-ээс эхлэн Францад нэг удаагийн хуванцар бүтээгдэхүүнийг хориглосон бөгөөд ирэх жилээс олон удаагийн хэрэглээний, цаашлаад 2040 он гэхэд бүх хэрэглээний хуванцрыг хэрэглээнээс хасах зорилго тавьжээ. Уг тогтоолд хуванцар бүтээгдэхүүнийг эмнэлэг, бие засах газар, галт тэрэг, онгоц зэрэг тээврийн хэрэгсэлд ашиглахыг хориглосон аж. 

Энэхүү хоригийг Франц улсыг Европын Холбооны зааварт нийцүүлэхийн тулд арван хоёрдугаар сарын 27-нд нийтэлсэн Засгийн газрын тогтоолоор гаргасан байна. Хориглосон бараа бүтээгдэхүүнийг зарж борлуулдаг дэлгүүрүүд өмнө нь үйлдвэрлэсэн эсвэл импортолсон хуванцар бүтээгдэхүүнээ 2021 оны 1-р сарын 1-ээс хойш зургаан сарын хугацаанд үргэлжлүүлэн борлуулах боломжтой юм. 

Мөн дэлхий дээрх хамгийн том хуванцар хаягдал гаргадаг орнуудын нэг болох Тайланд улс шинэ оныг томоохон дэлгүүрүүдэд хуванцар сав худалдаалахыг хориглосон шийдвэр гарган угтжээ. 

Тус улс 2021 оны эцэс гэхэд мөн бүх төрлийн хуванцар савыг хэрэглээнээс гаргах зорилт гарган ажиллаж байгаа юм. 

Энэхүү хориг нь 20 жилийн хугацаанд хэрэгжүүлэх төлөвлөгөөний нэг хэсэг аж. 

Ойролцоогоор 75 томоохон хуванцрын үйлдвэрүүд улсын хэмжээнд 25000 дэлгүүрийн дэлгүүрүүдэд нэг удаагийн хуванцар сав нийлүүлэхээ больсон бөгөөд үүний оронд хүмүүсийг дахин ашиглах боломжтой сав худалдаж авахыг уриалж байгаа гэнэ. 

Эх сурвалж: Mail online