Вьетнамын засгийн газар ирэх онд эдийн засгийн өсөлтийг 6.5 хувьтай байлгахаар төлөвлөж байгаа нь Covid-19-өөс өмнөх үеийн эдийн засгийн өсөлт эргэн ирнэ гэж үзсэн дохио болж байна.

Тус улсын засгийн газар цар тахлын улмаас үүссэн дэлхийн эдийн засгийн уналтаас ирэх жил гэхэд гарна хэмээн төлөвлөжээ.

97 сая хүн амтай Вьетнам улс коронавирусын халдварын 1068 тохиолдол бүртгэгдсэн юм. Одоогийн байдлаар дотооддоо халдварыг тогтоож чадсан учраас аялал жуулчлал, үйлчилгээний салбарыг сэргээх бүрэн боломжтой боломжтой болжээ. Азид аж үйлдвэрийн хэмжээгээр Хятадын дараа ордог тус улс АНУ зэрэг импортын томоохон орнуудаас томоохон захиалга авч эхэлсэн үйлдвэрлэл ч мөн сэргэх хандлагатай байна.

Эдийн засаг 2012 оноос хойш огцом өсч, хүн амын амжиргааны түвшин нэмэгдэж байгаатай зэрэгцэн үйлдвэрлэлийн салбарын хүчин чадлын өсөлт жил бүр 6 хувь буюу түүнээс дээш өсөлттэй байв. Өнгөрсөн оны сүүлчээр тус улсын худалдаг авах хүчин чадал ойролцоогоор 260 тэрбум ам.долларт хүрч байсан аж.

Тус улсын төв банкнаас инфляцийг хянах, эдийн засгийн тогтвортой байдлыг дэмжих мөнгөний бодлогыг явуулахыг хүссэн гэж "VnExpress International" мэдээлэв. Бусад яамдуудад гадаадын хөрөнгө оруулалтыг нэмэгдүүлэх, экспортыг нэмэгдүүлэх, дотоодын хэрэглээг идэвхжүүлэх чиглэл өгсөн гэж тайланд дурджээ.

Энэхүү бодлого нь эдийн засаг ирэх жил 6.5 хувиар өсөхөд нөлөөлнө гэж судлаачид үзэж байгаа гэнэ. Вьетнам улсын ДНБ-ийн энэ оны эхний хагасын өсөлт өнгөрсөн арван жилийн хамгийн бага буюу 1.8 хувиар тэмдэглэгджээ. 2020 оны эцэс гэхэд энэ тоо 2-2.5 хувьд хүрэх төлөвтэй байна.

"Энэ улсын эдийн засгийн огцом уналтын араас огцом эргэлт дагана гэж найдах хэрэггүй" гэж Хо Ши Мин хотын бизнесийн зөвлөх үйлчилгээ эрхэлдэг Мазарс компанийн түнш Жек Нгуен анхааруулж байна. Тэрээр 2021 оны өсөлтийг 3 хувьтай байна гэж таамаглажээ.

Ирэх жилийн ДНБ-ийн өсөлт Ковид-19 вакцин байгаа эсэх, хилийн боомт олон улсын аялалд нээгдэх эсэхээс хамаарна гэж Нгуен хэлэв. Вьетнам нь Азийн ихэнх орнуудын нэгэн адил халдвар авахаас хамгаалах үүднээс гадаадын жуулчдад хаалттай байна. Дотоод аялал жуулчлал нь нийт эдийн засгийн хувийг бүрдүүлдэг.

Долдугаар сараас хэрэгжиж эхэлсэн Чөлөөт худалдааны хэлэлцээрийн дараа ЕХ руу импортлох, экспортлох нь нэмэгдсэн ч ирэх жил гэхэд 2019 оны хэмжээнд дөхөж очих нь эргэлзээтэй байна.

Төлөвлөлт, хөрөнгө оруулалтын яам дэлхийн цартахлын дараах сэргээн босголтыг дөрвөн жилийн хугацаанд хийхээр төлөвлөж байгаа тул энэ сард аль хэдийн эхний арга хэмжээнүүдийг авч эхэлсэн гэж Ханой дахь SSI брокерийн судалгааны тэмдэглэлд дурджээ. 

Эх сурвалж: Forbes