ТТГ-аас шинэ дүн шинжилгээ хийхдээ холбооны алдагдал энэ онд 3.3 их наяд ам.долларт хүрнэ гэж тооцоолж байгаа бөгөөд энэ нь 2019 оны алдагдалаас гурав дахин их юм.

Энэхүү алдагдал нь олон нийтийн эзэмшиж буй холбооны өрийг энэ онд ДНБ-ий 98 хувь, 2021 оны санхүүгийн жилд ДНБ-ий 100 гаруй хувьтай тэнцэхэд хүргэнэ гэжээ. 

Дэлхийн хоёрдугаар дайны үед зарлага асар их өссөний дараа ТТГ-аас ДНБ-д эзлэх өрийн хэмжээ хамгийн өндөр байсан нь 1946 онд байсан гэж мэдээлэв.

2030 он гэхэд ТТГ нь өрийг ДНБ-ний 109 хувьтай тэнцэх төлөвтэй байна гэж мэдэгдсэн.

Холбооны засгийн газраас хэрэгжүүлсэн томоохон эдийн засгийг сэргээх арга хэмжээнүүд (ялангуяа 2.2 их наяд ам.долларын тусламж) нь АНУ-д коронавирусын нөлөөгөөр нүүрлээд байгаа эдийн засгийн хямралаас ч илүү сөрөг нөлөө ихээхэн хувь нэмэр оруулсан гэж мэргэжилтнүүд хүлээн зөвшөөрч байна.

Түүхэн өндөр өрийн түвшинг үл харгалзан хөрөнгийн зах зээл өсөлт үзүүлсээр байна. "S&P 500" ба "Dow Jones Industrial Average" хөрөнгийн биржүүд гуравдугаар сараас хойшхи бүх алдагдлаа нөхсөн тул 1984 оноос хойш хамгийн ашигтай наймдугаар сарыг өнгөрөөлөө гэж "Bloomberg" мэдээлжээ

Вашингтон дахь хууль тогтоогчид холбооны тэтгэмжийн тухай хууль тогтоомжийг дараагийн шатанд гаргах ажил гацсан хэвээр байгаа тул шинэ төслүүд санаачилж эхлэв. Ардчилсан намынхан илүү том тусламжийн багц буюу 3 их наяд ам.долларын тэтгэмж тараах санал гаргасан бөгөөд тэд 2.2 их наяд ам.доллараас доошгүй тусламжийн багцыг төсөвт суулгуулах хүсэлтэй байгаа аж. Цагаан ордон харин хэрэгцээгүй зардал гаргахаас болгоомжлон, илүү оновчтой арга хэмжээ авах хүсэлт гарган тус саналыг няцаасан байна. 

Эх сурвалж: Forbes