Олон улсын эдийн засгийн байдал өнгөрсөн баасан гарагийн үзүүлэлтээр анх удаа өсөлттэй гарав. Өнгөрсөн долдугаар сарын хэрэглэгчдийн зарцуулсан хөрөнгийн хэмжээнээс үзэхэд эдийн засаг сэргэх хандлагатай болж буй нь анзаарагдсан байна. Япон улсын Ерөнхий сайд асан Шинзо Абэ эрүүл мэндийн байдлаар албан тушаалаасаа татгалзах мэдэгдэл гаргасны дараагаар Японы иений ханш огцом өсөж эхэллээ.

Япон улсын хамгийн удаан төр удирдсан ерөнхий сайд Абэ-гийн уг мэдэгдлийн дараа хөрөнгө оруулагчид бодлоо өөрчилсөн бололтой.

Долларын индекс 0.761 хувиар унаж харин Евро 0.64 хувиар өслөө.

Ам. Долларын ханш унасаар 2018 оны 5-р сарын байдалтай ижил болтлоо унав. Удаан хугацааны нөлөөллийг бодож үзвэл алтны үнэ 2 хувиар өсөх хандлагатай байгаа бөгөөд хөрөнгө оруулагчид үнийн өсөлтийн улмаас их хэмжээний аль худалдан авч байгаагаас инфляцын төвшин нэмэгдэх хандлагатай байна.

АНУ-ын иргэдийн орлого сүүлийн хэдэн сарын турш уналттай байсан бол хоёр сарын дараа анх удаа өсөлттэй үзүүлэлттэй гарав. Леутолд группийн хөрөнгө оруулалтын ахлах мэргэжилтэн Жим Паулсэн: Эдийн засгийн үзүүлэлт цар тахлаас хойш анх удаа өсөлттэй гарч эхэллээ. Хүмүүс эдийн засаг эргэж сэргэж байна гэх зэргээр тун ч өөдрөг байдалтай болсон. Гэхдээ уг байдлыг үргэлжлүүлэхийн тулд их хэмжээний зүйл бас бидний оролцоо хэрэгтэй. Зах зээл өргөжихийн хэрээр олон төрлийн хөрөнгө оруулалтууд нэмэгдэж эхэлнэ. Эргээд энэ нь зах зээлийг дэмжих хүчин зүйл болно гэсэн юм.

Эх сурвалж: Reuters