Нилээд олон компаниуд жолоочгүй, автомат удирдлага, цахилгаан хөдөлгүүртэй хиймэл оюунд суурилсан робот онгоц бүтээхийг зорьж байгаа билээ. Эдгээр компаниудаас зорилгодоо хамгийн ойр байгаа нь “XWing” юм.
АНУ-ын Сан Франциско муж улсад байрлах уг компани нь бүтээлээ бэлэн болгоход ганцхан шийдэл л үлдээд байгаа гэнэ. Тэд саяхан бүрэн автомат удирдлагатай онгоцоор анхны нислэгээ амжилттай үйлдсэн байна. Тэдний ашиглаж буй гол загвар нь “Cessna 208B Grand Caravan” гэж бага оврын ачааны онгоц юм. Туршилт амжилттай болсон бөгөөд цаашид багахан хөгжүүлэлт хийсний дараагаар уг бүтээл нь ашиглалтад бэлэн болох бөгөөд АНУ-ын агаарын тээврийн газраас зөвшөөрөл өгнө гэж найдаж байгаа юм.
Одоогийн байдлаар “XWing” эхний 135 бүтээгдэхүүнээ Техас муж улсад байрлах нэгэн жижигхэн нисэх буудалд байрлуулж байгаа бөгөөд ирэх хэдэн сарын хугацаанд багтаж эхний ачаа тээврийн үйлчилгээгээ үзүүлж эхлэхээр бэлдэж байгаа ажээ. Ачаа тээврийн эхний үед тухайн онгоцыг онгоцны нисгэгч газраас жолоодож, давхар хянаж байх гэнэ.
“XWing” компанийг үүсгэгч Марк Пиеттэ анх 2016 онд уг төсөл дээр ажилалж эхэлсэн бөгөөд анхандаа жолоочгүй, агаарын такси бүтээх саналтай байсан гэнэ. Тэрээр олон тооны компаниудтай уулзсан хэдий ч тэдгээр компаниуд Пиеттэ-ийн санааг урт хугацаа шаардлагатай, ашигаа нөхөж авах гэж дэндүү удна гэх зэрэг шалтгаанаар татгалзсан байна.
Тэд нэмэлтээр ойрын зайд байрлаж буй объект болон, дөхөж ирж буй онгоцыг мэдрэх системийг шинээр суулгаж байгаа бөгөөд хиймэл оюуны тусламжтай уг онгоц нь чиглэлээ өөрчилж, аюулаас урьдчилан сэргийлэх чадвартай гэнэ. Мөн түүнчлэн уг мэдрэгч нь тухайн онгоцыг газардуулахад тун чухал үүргэтэй бөгөөд боломжит зай талбайг сайтар тооцоолсны дараа онгоц газардана гэнэ.
Тэд уг технологи амжилттай болсноор агаарын тээврийн зах зээлийн зардал 20-оос 30 хувиар багасна гэж үзэж байгаа юм. Учир нь одоогоор жолоочоос шалтгаалж гардаг зардлууд болон цаг хугацааны алдагдал зэргээс шалтгаалж энэхүү зардлууд үүсдэг байна.
“XWing” Компани уг онгоцыг зах зээлд борлуулах үнийг одоохондоо зарлаагүй байгаа бөгөөд хамгийн багадаа 500.000 ам доллараас эхлэх бөгөөд нэмэлт болон технологиос шалтгаалж 2 сая ам.доллар хүртэлх үнэтэй байж болно гэнэ.
Эх сурвалж: Forbes
World's First Autonomous Cargo Aircraft (Modified Cessna 208B)
