Энэ бүхэн нь таны хувийн эмчийн хаягт холбоотой байх бөгөөд ингэснээр тодорхой нөхцөлөөр, үзүүлэлт буурсан тохиолдолд эмчид мэдээлэл дамжуулж, цаашид гарах эрсдэлээс урьдчилан сэргийлэх зорилготой гэнэ. Тэд энэ төслөө бүхий л төрлийн гар утас дээр ажиллах байдлаар хөгжүүлэхээр ажиллаж байгаа гэнэ.

Одоогоор “Apple”, “Samsung” зэрэг олон компаниудын ухаалаг цагууд эдгээр шалгуур үзүүлэлтийг их бага хэмжээгээр шалгах боломжтой болоод байгаа юм. Жишээ нь “Apple”-ын ухаалаг цаг гэхэд арын тагнаас анивчих ногоон гэрлийн тусламжтай арьсны өнгө өөрчлөлтийг хэмждэг. Уг арьсны өнгө өөрчлөлт нь цусны даралт, цусны урсгал зэргээс шалтгаалдаг ажээ. Цусны урсгалыг “PPG”-ээр шалгаж зүрхний цохилтыг хэмждэг байна.

“Binah.Ai” төслийнхөн эдгээр дэвшилтэт технологийг улам хөгжүүлж гол нь нэг дор бүх зүйлсийг шалгах боломжийг хиймэл оюунд олгож байгаа юм. Ингэхийн тулд жишээ нь арьсны өнгө өөрчлөлтийг нүүрний арьсыг камерын шууд тусгалаар харснаар тодорхойлох боломжтой ажээ. Ингэхийн тулд зайлшгүй нарийн дүрслэл бүхий камертай байх шаардлагагүй бөгөөд ихэнх ухаалаг утасны камерт ажиллах боломжтой ажээ.

Одоогийн байдлаар цусны даралт хэмжих нь хамгийн хүндрэлтэй байгаа бөгөөд уг шийдлийг гаргахад тодорхой хугацаа шаардлагатай гэнэ. Гэсэн хэдий ч тэдэнд энэ бүхнийг гүйцэтгэж болох хэд хэдэн санаачилга байгаа гэнэ. Тэд эдгээр шаардлагуудыг ямар тохиолдолд, ямар хүнд хэвийн гэж үзэх ёстойг тооцоолохын тулд дэлхийн хэмжээнд томоохонд тооцогддог 7-н эмнэлгээс мэдээлэл цуглуулсан гэжээ. Тэд зөвхөн цусны даралтыг хэмжих аргачлалыг бодож олохын тулд 13,000 хүний мэдээллийг цуглуулсан бөгөөд одоогоор үүнийг зөв загварчлах ажил хэрэгтэй байгаа ажээ.

Уг бүтээл бодит байдалд биелэлтээ олбол маш их ашиг тустай байх юм. Тухайлбал тодорхой бүсэд дэлхийн дулаарлын нөлөө үүсэх зэрэг эсвэл цар тахал гэх мэт халдварт өвчин тархах үед маш богино хугацаанд мэдэрч, тусгаарлалт, арга хэмжээ авах боломжтой болж ирэх юм.

 

Эх сурвалж: Forbes

Binah ai