Ойрх дорнодын хоёр хүчирхэг гүрэн дайсагнасан харилцаагаа эцэслэж, дипломат харилцааг бүрэн хэвийн болгох түүхэн тохиролцоонд хүрчээ. Уг уулзалтад АНУ-ын ерөнхийлөгч Доналд Трамп зуучлагчаар оролцсон юм.

АНУ-ын албаныхны мэдэгдсэнээр уг тохиролцоогоор Израиль улс баруун эрэг хавийн газар нутагт эрх мэдлээ тогтоохоор шахамдуулах байдлаа зогсоохоор болжээ. Уг тохиролцоог тун саяхнаас хэлэлцэж эхэлсэн бөгөөд төлөвлөж байснаас хурдан хугацаанд эцэслэж, нэгэн шийдвэрт хүрчээ. Уг тохиролцоог пүрэв гаригийн орой АНУ-ын ерөнхийлөгч Доналд Трамп, Израиль улсын ерөнхий сайд Бенжамин Нетаняаху болон Абу Дабигийн хун тайж, шейх Мухаммед Бин Заед нарын хооронд хийсэн утасны дуудлагаар шийдвэрлэж, эцэслэсэн байна.

Хэлэлцээрийг амжилттай дууссаныг тэмдэглэж АНУ Цагаан ордонд Израиль болон АНЭУ-ын элч төлөөлөгчдийг хүлээн авч ирэх долоо хоногт хүндэтгэлийн цэнгүүн зохиох гэнэ. Энэ үйл явдлыг тэмдэглэж Трамп: 49 жилийн дараа, Израиль, АНУЭ улс хооронд хэвийн дипломат харилцаа тогтохоор боллоо. Тэд одоо элчин сайд, элч төлөөлөгчид томилж, хилийн бүсэд хамтран ажиллах болсон гэжээ.

Утасаар хийсэн хэлэлцээрийн явцад ерөнхий сайд Нетаняаху Израиль улс цаашид Палестины нутаг дэвсгэрт халдлага, дарамт шахалт хийхгүй гэдгээ амласан байна. Энэ асуудлаар АНЭУ болон Израиль хоорондоо хамтран хилийн зурвас тогтоох ажлыг хийх бөгөөд хоёр улсын эрх ашгийг хөндөхгүй байх байдлаар шийдвэр гаргана гэнэ.

Энэ түүхэн үйл явдлаар Ойрх дорнодын бүс нутагт энх тайван тогтох бөгөөд бүс нутагтаа тэргүүлэгч хоёр их гүрэн цаашид дипломат байдлаар хамтарч ажиллаж, энэ бүс нутгийг дэлхий дахинд харуулах шинэ нөхцөл боломж үүсгэнэ гэжээ. Тэд уг уулзалтаараа Исламын шашинтнуудад хуучин хот болох Иерусалим хотод байрлах “Al-Aqsa” москд нэвтрэх эрх өгсөн бөгөөд сүсэгтнүүд москд мөргөхийн тулд Абу Дабигаас Тель-Авив хүртэл нисэж болно гэнэ.

Эх сурвалж: Geopolitic news