Хиймэл оюун сүүлийн үед тулгарсан нөхцөл байдлын улмаас тун ч хурдацтай хөгжиж байгаа билээ. Бидний хэрэгцээ шаардлагын улмаас өдрөөс өдөрт бидэнд тохирсон улам боловсронгуй нээлтүүд гарсаар л байна. Тэгвэл одоо хамгийн сүүлд гарсан дэвшилтэт технологи, хөгжлийг жишээгээр дурдъя.

Хиймэл оюун банкны системд

Өнөөдрийн байдлаар хиймэл оюун хамгийн өндөр хөгжсөн хоёр салбарын нэг нь банкны систем юм. Санхүүгийн институт, худалдааны фирм, банк зэрэг санхүүгийн тооцооллын байгууллагууд аль хэдийн эдгээр системүүдийг хэрэглэж эхэлсэн бөгөөд аль хэдийн дэвшилтэт, боловсронгуй хэлбэртээ ороод байгаа билээ.

Санхүүгийн тооцооллын үед хүний чадвар алдаа гаргах магадлалтай байдаг бол алгоритм өгөгдөл бүхий хиймэл оюун уг тооцоолол дээр алдаа гаргадаггүй байна.

Хиймэл оюун тээвэр зуучийн системд

Хиймэл оюун хүч төрөн орж ирж байгаа бас нэгэн салбар бол тээвэр зууч юм. Уг салбар нь цар тахлын улмаас удаашрал, хүндрэлтэй байдалд орж байсан ч эргээд хэвийн байдалдаа орж байгаа билээ. Мөн түүнчлэн банкны системийн адилаар хүн тооцоолол дээр алдаа гаргах магадлалтай байдаг бол хиймэл оюун ийм тооцоолол дээр алдаа гаргадаггүй ажээ.

Хиймэл оюун Маркетингийн салбарт

Сүүлийн хоёр жилийн хугацаанд маш хурдацтай хөгжсөн бас нэгэн салбар нь маркетинг юм. Уг салбарт хамгийн өргөн ашиглагддаг арга нь интернет хөтөч, фэйсбүүк гэх мэт хэрэглээний сайтуудаас тухайн хэрэглэгчийн хандалтын мэдээллийг тооцоолж цаашид хүсэмжлэх, хэрэгцээтэй болох бараа бүтээгдэхүүнийг нь санал болгох зэргээр ажилладаг. Хэрэв та бүхэн анзаарсан бол фэйсбүүкт ямар нэгэн илэрц хайсны дараагаар таны дэлгэц дээр тухайн салбарын сурталчилгаа гарч эхэлдгийг анзаарсан гэж бодож байна. Энэ нь нөгөө л хиймэл оюуны л хийж буй ажил.

Хиймэл оюун Анагаах ухаанд

Уг салбар нь хамгийн өндөр хөгжөөд буй хоёр салбарын нэг бөгөөд үүнд коронавирусын цар тахал хамгийн их нөлөөлсөн гэж үзэж байгаа юм. Өвчтөнүүд эмчилгээний тал дээр компьютерт биш эмчид итгэх хандлага маш өндөр байдаг бол цар тахлын энэ үед хөл хорионоос болж эмчтэй уулзах боломж тун хомс болсон билээ. Тийм ч учраас 24 цаг байнга нээлттэй байдаг эмчилгээний зөвлөгөө, эмийн жор зэрэг бусад үйлчилгээг үзүүлдэг чатботууд гэх мэт хиймэл оюун маш хурдацтай хөгжсөөр байна.

Мөн түүнчлэн дурдаад дуусахаар гүй маш олон салбарт хиймэл оюун өөрийн зохих үүргийг гүйцэтгэж байгаа бөгөөд бид сайтдаа энэ тухай мэдээллүүдийг тогтмол оруулдаг билээ. Эдгээрээс гадна сансар огторгуй, автомат жолоодлоготой машин зэрэг бидний өдөр тутамдаа хэрэглэдэг зүйлсээс эхлээд ойрын ирээдүйд үр дүнг нь үзэх бүх л төрлийн ажилд хиймэл оюуныг өргөнөөр ашиглаж байна.

Эх сурвалж: businessinsider