Саяхан Япон улсын "Sucker Punch" продакшны бүтээл, "Playstation 4"-т зориулан бүтээгдсэн “Ghost of Tsushima” тоглоомын нээлт болсон билээ. Уг тоглоомын гол утга санаа нь 13-р зууны үеийн Монголчуудын довтолгооны эсрэг Японы самурай нар хэрхэн тэмцэж байгааг харуулсан зохиолтой, тулаант төрлийн тоглоом юм.

Уг тоглоомын гол дүр болох Жин Сакай нь бусад самурайн хамтаар Монголын армийн эсрэг Цушима арлыг хамгаалж тэмцэж буйгаар үргэлжилдэг.

Харин “Ghost of Tsushima”-ын нээлтийн үеэр Хятадын үндсэрхэг үзэлтнүүд уг тоглоомыг эсэргүүцсэн нь интернет хэлэлцүүлгээр тархсаар үндэсний хэмжээний маргаан болж хувирсан байна.

Маргаан үүссэн гол асуудал нь Хятадын зарим үндсэрхэг үзэлтнүүд Монгол бол Хан үндэстний адил Хятадыг бүрдүүлэгч нэг үндэстэн байсан бөгөөд 13-р зууны үед хүчирхэгжин одоогийн Хятадын нутгийг бүхэлд нь эзэлсэн гэсэн агуулга бүхий мэдээллүүд гаргаж эхэлсэн байна. Ийм үзэлтэй Хятад иргэд мэр сэр байдаг бөгөөд тэд өөрсдийг нь эзэлж байсан Монголчууд ч ялгаагүй Хятад улсын нэг үндэстэн гэж бат итгэдэг ажээ. Тийм ч учраас үүнийг нь эсэргүүцсэн иргэдтэй интернет хэлэлцүүлгээр маргалдсан уг асуудал нь үндэсний хэмжээний маргаан үүсэхэд хүргэсэн юм.

Тэгвэл доор та бүхэнд уг маргаанд олон санал авсан зарим сэтгэгдлүүдийг хүргэе.

Гэхдээ "Монгол бол бие даасан улс, 800 жилийн өмнө Хятадыг эзлэж байсан" гэх зэргээр түүхэн баримтуудыг дурьдаж эсэргүүцсэн сэтгэгдэлүүд үүнээс ч олон байсан юм. Ийм үзэл санааг мөн Европчууд ч дэмжиж байсан бөгөөд Америкт үйлдвэрлэгдсэн тоглоом дээр гарах Монголын эзэнт гүрний түрэмгийллийн эсрэг Япончууд хамгаалж тулалдсан түүхэн баримтаас яаж сөрөг зүйлс хайж олсныг гайхширсан сэтгэгдлүүд ч олон байсан юм.

Эх сурвалж: SCMP