Нарны гадаргууг харуулсан эдгээр зураг одон орон судлаач болон эрдэмтдийн гайхшралыг төрүүлэх мэдээллийг агуулсан байна.

Европын Сансрын Агентлаг болон Америкийн Сансар Судлалын "NASA" агентлаг хамтран “Solar Orbiter” гэх  сансрын судалгааны аппаратыг энэ оны 2-р сард хөөргөсөн юм. Энэхүү төхөөрөмж нарнаас 77 сая километрийн зайд байх үедээ нарны гадаргууг харуулсан зургийг авч, төв рүүгээ илгээсэн байна. Ийм ойр зайнаас нарны зургийг авсан тохиолдол үүнээс  өөр байхгүй юм. “Solar Orbiter”-ийн илгээсэн зурагнууд нарны гадны талд олон мянган жижиг түүдэг буй дүрслэлийг харуулсан байна. Эдгээр түүдэг гал хэрхэн бий болсон, ямар учир шалтгаантай талаар судлаачдад тодорхой ойлголт одоогоор байхгүй байна.    

Ямартай ч нарны агаар мандал гадаргуугаас хэт дахин халуун байдаг гэдгийг мэргэжилтнүүд онцолжээ. Тэгвэл дээрх түүдэг гал энэхүү учир битүүлэг халалтын үйл явцтай холбоотой байж болно гэж үзэж байна. Нарны гадаргууны халуун 5500 хэм байдаг бол агаар мандал нь сая хэмд хүрдэг байна. 1.5 тэрбум ам.доллараар бүтээгдсэн “Solar Orbiter” хоёр жилийн дараагаар наранд бүр ч ойртож очих юм. Тус “судалгааны аппарат аяллаа  дөнгөж эхлүүлж байна” гэж Европын Сансрын Агентлагийн агентлагийн судлаач онцлон ярьжээ. Сонирхуулахад, "NASA" агентлагийн дангаараа хөөргөсөн “Parker Solar Probe” гэх өөр нэгэн судалгааны аппарат наранд ойртон очоод байгаа юм.

Эх сурвалж: timesnownews.com