Сөүл хотын захирагчийг онцгой хүндэтгэлтэйгээр оршуулсныг иргэд эсэргүүцжээ
Сөүл хотын захирагч Пак Вон Суны нас барсан хэргийг дахин шалгах хэрэгтэй гэсэн олон нийтийн эсэргүүцлийн хажуугаар түүний оршуулах ёслолыг онцгой хүндэтгэл дор хийхээр болжээ.
Тэрээр өөрийн оршин суудаг газраас холгүй орших ойн дундаас амьсгал хураасан байдалтай олджээ. Цагдаа нарын мэдээлснээр хүчирхийллийн ямар нэгэн ул мөр олдоогүй байна. Өмнөд Солонгосын хэвлэл мэдээллээр уг хэрэг гарахаас нэг хоногийн өмнө түүнийг өөрийн өмнөх нарийн бичигт бэлгийн дарамт учруулахыг завдсан хэргээр гомдол гарсан тухай тараад байсан юм. Эмэгтэй нотлох баримт болгож Пак Вон Сунтай харилцсан харилцан яриагаа харуулж өөрийгөө цорын ганц хохирогч биш хэмээн мэдэгдэж байсан ажээ. Ренхап агентлагийн мэдээлэлж байгаагаар тухайн үед цагдаа нар уг хэргийн талаар ямар нэгэн мэдээлэл өгөхөөс татгалзаж байсан бөгөөд хуулийн дагуу хотын захирагчийн үхлийн дараагаар уг хэрэг хаагдсан байна.
Уг нөхцөл байдал ихэнх иргэдийн дургүйцлийг хүргэсэн ба ойролцоогоор 560 мянган хүн Өмнөд Солонгосын ерөнхийлөгчийн захиргаанд захирагчийн оршуулгыг нүсэр хийхийг эсэргүүцсэн захидал хүргүүлсэн юм .
"Пак Вон Суны үхлээс болж дарамт учруулсан байж болзошгүй хэргийн мөрдлөг зогссон, гэвч бид түүнийг шударга үхлээр үхсэн гэдэгт яаж итгэх вэ? Түүний нүсэр оршуулгыг ард иргэд 5 хоногийн туршид үзэх ёстой юу?"-,хэмээн ард иргэд бухимдлаа илэрхийлсэн захидалдаа бичжээ.
Энгийн иргэдийг 3 хоногийн дотор оршуулдаг байхад Пак Вон Суны оршуулах ёслол 5 хоног үргэлжлэх тухай мэдээлэл өмнө нь гарсан. Салах ёслол даваа гарагт болж өнгөрсөн бөгөөд ойр дотнын хүмүүс болох ойролцоогоор 100 хүн ирсэн байсан аж. Үүнээс гадна салах ёслолыг YouTube-д TBS сувгаар шууд дамжуулсан байна.
Эх сурвалж: ria
