Цар тахлын үед дижитал зүйлс өмнөхөөсөө ч илүүтэйгээр хувьсаж, хөгжсөөр байна. Роботуудыг ашиглаж эхэлбэл бид бие биетэйгээ ойртож харилцах асуудлаас сэргийлэх бөгөөд халдвар тархах зэрэг эрсдэлийг бууруулах юм. Мөн түүнчлэн роботууд биднээс олон зүйл дээр хавь илүү байх нь дамжиггүй.

Жишээ болох байдлаар доор дурдъя.

Эрүүл мэнд

Эрүүл мэндийн үйлчилгээнүүдэд Хятад улсаас эхлээд олон улс роботуудыг ашиглаад эхэлжээ. Хятад улсын Ухань хотод ашиглаж буй нэг загварын робот нь цар тахлын үед ариутгал, халдваргүйжүүлэлт хийж, өвчтөний биеийн байдал болон дулааныг шалгаж мөн эмчилгээг цаг тухайд нь биелүүлж эм хүргэж өгөх үүрэгтэй ажээ. Гэсэн хэдий ч эдгээр нь хүний хийдэг ажил. Гэсэн ч робот ашиглаж байгаа нь эмчлэгч, эмчлүүлэгч хэнийг ч байсан өвчин авах, халдвар тархах эрсдэлээс хамгаална.

Үйлдвэрлэл

Та компанийн эзэн байсан бол энэ үед хэзээ ч өвчин авчхаж мэдэх, ядардаг, доройтдог сул талтай хүн сонгох уу? Эсвэл хэзээ ч өвдөхгүй, зөвхөн таны өгсөн үүрэг даалгаврыг биелүүлэх робот сонгох нь зарим талаар нэг ажилчинд найдаад сууснаас илүү дээр байх болов уу.

Агуулах

Хөл бөмбөгийн талбай шиг том хэмжээний талбайд өдөржин нааш цааш явж хүнд ажил хийж, хүнд зүйл өргөх нь нэг талаараа маш хэцүү зүйл. Тиймдээ ч ихэнх газрууд одооноос эхлэн энэ бүхнийг хийх роботуудыг, автомат төхөөрөмжүүдийг сонгож эхлээд байгаа билээ.

Хэрэглэгчдэд туслах төв

Олон нийтэд үйлчилдэг, үйлчилгээний ажилтнууд заримдаа үйлчлүүлэгчдийн асуусан асуулт болон нэг асуултаа олон давтах, бүдүүлэг зан гаргах зэргээс эхлээд маш олон шалтгаанаар тэвчихэд хүрч, эсвэл үйлчлүүлэгчидтэй муудалцдаг. Энэ мэт тааламжгүй харилцаа үүсэх нь олонтаа байдаг өнөө үед үйлчилгээний газрууд chatbot буюу хэрэглэгчдэд туслах төхөөрөмж, роботуудыг ихээр ашиглаж эхлэх болсон билээ. Судалгаанаас үзэхэд хэрэглэгчдэд туслах ажилчид уг олон асуултад хариулахаас илүү тэрхүү ажлыг chatbot-дад хариуцуулах дуртай байдаг аж.

Мөн түүнчлэн өөр нэг давуу тал байдаг нь тэдний мэдээллийн санд хадгалсан мэдээллийг тэд хэзээ ч мартахгүй бөгөөд хүссэн хариултыг чинь тэр дор нь өгч чадна. Харин хүн бол мартах, будлих тохиолдол цөөнгүй.

Ресторан

Аялал жуулчлал болон рестораны бизнес цар тахлын үед хамгийн их хүндрэл бэрхшээлийг туулж байгаа билээ. Рестораны бизнест бүх л хэсэгт нь хүн ажиллаж, хоолыг бэлдэж, хийж, хэрэглэгчдэд хүргэж өгдөг билээ. Харин цар тахлын үед ийм боломжгүй учир Miso Robotics компани нэгэн Flippy гэх нэгэн роботыг бүтээсэн бөгөөд уг робот нь бургерны мах шарах зориулалттай аж. Мөн тэрээр цагт зөвхөн 3 ам.долларын өртөг гаргадаг ажээ.

Мөн түүнчлэн ресторанд үйлчилж, зөөгчийн ажил хийдэг роботууд ч эхнээсээ ашиглалтад орж эхлээд байгаа юм.

Тээш хүргэлт

Kiwibot, Starship Technologies болон  Nuro зэрэг компаниуд хэрэглэгчдэд бараа хүргэж өгөх асуудлыг шийдэх тал дээр ажиллаж байгаа юм. Хэрэв тэд энэ шийдлийг боловсруулж чадвал Amazon, FedEx, UPS гэх мэт томоохон компаниудаас гадна дэлхийн бүхий л оронд байх дотоодын хүргэлтийн бизнест нэвтэрч чадах юм.

Робот тээш хүргэгчдийн давуу тал нь хүнтэй ижил ядрахгүй, өвдөхгүй байхаас гадна ямар ч нөхцөл байдалд ажиллаж, газрын зураг, байршлыг төвөггүй олох мэт маш олон давуу талтай байгаа юм.

Эх сурвалж: Forbes