Хиймэл оюун ухааны хувьсал: Хүний яриа ойлгодог төхөөрөмжүүд
Хиймэл оюун ухааны хөгжлийн эхэн үед судлаачид төхөөрөмжүүд хүний ярианы утга санаа, агуулгыг ойлгох боломжийн талаар судалж байсан билээ.
Хүний яриа нь ихэнх хэсэгтээ тодорхой нарийн утга агуулдаггүй мөн хэлэх байдал болон дууны өнгө зэргээс шалтгаалж компьютерт нарийн тооцоолоход төвөгтэй асуудал байсаар ирсэн юм. Бидний яриа нь утга агуулга, ярианы өнгө аяс, хам сэдэв, соёлын нөлөө, хар яриа зэргээс шалтгаалан маш өргөн ойлголтын боломжуудтай, түүндээ хөрвөсөөр ирсэн бөгөөд зөвхөн харилцан ярилцагч этгээдүүд өөрсдөө ойлголцох хэлбэртэй байх нь олонтаа. Хэрэв компьютер бидний ярьж байгаа зүйлийг өгүүлж буй утга санаагаар ойлгож, бидний ойлгох байдлаар хариу өгч чаддаг болбол хиймэл оюун ухаан үүсгэсний гол зорилго биелэх юм.
Хиймэл оюун ухаантай харилцах үндсэн зорилго нь бидний зохион бүтээсэн төхөөрөмж хүнтэй төрөлх хэлээр нь, ойлгох утга санаагаар нь харилцах байсан юм. Уг санаа нь бид компьютерын өгсөн өгөгдлүүдээс сонгож, тодорхойлох код бичиж, эсвэл програмын хэлээр харилцах байдлыг халж хиймэл оюун ухаантай бид бие биетэйгээ харилцдагтай ижил байдлаар холбоо тогтоох аргачлал юм. Тийм ч учраас энэ чиглэлд төвлөрсөн маш олон програм хангамжууд болон үйл ажиллагаанууд хийгдэж байгаа билээ.
Хэрэв компьютер бидний хэлсэн зүйлийг утгаар нь олгож чаддаг болбол цаашид үүсэх боломжууд хязгааргүй бөгөөд бидний өдөр тутмын хийдэг ажил, и-мэйл эсвэл бусад харилцааны үйл ажиллагаанууд хялбар болох юм.
Төхөөрөмжөөс хүнд, төхөөрөмжөөс төхөөрөмж хооронд болон хүнээс төхөөрөмжид чиглэсэн харилцаанууд бүгд л уг ажиллагааны жишээ бөгөөд үүнийг хөгжүүлэхийн тулд компьютерын орчуулсан орчуулгыг хянах, утасны автомат хариулагч, чатбот зэрэг өргөнөөр ашигладаг зүйлсэд дүгнэлт хийж түүнийг залруулж явах байдлаар хөгжүүлэхийг зорьж байгаа юм. Үүнээс цаашлан зөвхөн ярьсан зүйлсийг ойлгох гэхээс илүүтэйгээр уг асуудлыг сэтгэл зүйн байдал, ярих хэлбэр, зорилго, харагдах байдал зэрэгт үндэслэн төхөөрөмжийн ойлгох байдалруу хөрвүүлэх нь нэн шаардлагатай юм.
Уг аргыг хялбар болгох нэгэн боломжит арга нь хүний дуу хоолойн давтамжийг компьютерт ойлгогдох боломжтой бичвэр болгох юм, уг аргыг ARS буюу Автоматаар дуу хоолой таних аргачлал гэдэг.
Хүн төрөлхтөн компьютертой үр дүнтэй байдлаар тогтвортой харилцахыг зорьж байгаа. Маш олон хэрэглэгчид туслах төхөөрөмж нь одоогийн байдлаар хэрэглэгчийн сонголт, ойлгомжгүй цэс санал болгох, дуу хоолойгоор хариулах энгийн бичлэг эсвэл тодорхой дүрэм журмын дагуу хариулдаг аргачлалтай байгаа нь хэрэглэгчийн хэрэгцээ шаардлагыг хангаж чадахгүй байгаа юм.
Илүү ухаалаг харилцааны системийг зохиохыг оролдож эхэлсэн үе нь 1966 оноос эхлэлтэй бөгөөд Элиза (ELIZA) хэмээх чатбот-г үүсгэсэн нь төхөөрөмж болон хүн хоорондын холбоо үүсэх эхлэлийг тавьсан гэж хэлж болно.
Өнөө үед маш олон хэрэглэгчид Alexa, Google туслах, Apple SIRI болон Microsoft Cortana зэрэг хэрэглэгчдэд туслах аргачлал бүхий хэрэгслүүдийг хэрэглэж дассан билээ. Гэсэн хэдий ч эдгээр нь одоо ч гэсэн маш их дутагдалтай байсаар байгаа юм.
Эх сурвалж: Forbes
