Одоогоос яг 70 жилийн өмнө 1950 оны 06-р сарын 25-ний өдөр Умард Солонгосын 135мянга орчим цэрэг өмнөд Солонгост нэвтрэн орсноор хэдэн сая хүний амь насыг авч одсон хүйтэн дайн эхлэж байсан билээ.
Дэлхийн 2-р дайны сүүдэрт дарагдаж бусдын анхаарал татах нь бага байдаг ч хоёр Солонгосын дайн 5 хүрэхгүй жилийн дотор маш олон тооны хүний амь сүйдсэн томоохон дайнуудын нэг юм. АНУ-н улс гэхэд л Мартагдсан гэх тодотголтой Солонгосын дайнд 36мянган цэргээ алдсан гэдэг тооцоо байдаг.
Уг дайнд 16 орны цэрэгүүд АНУ-н хүчнээр удирдуулан Өмнөд Солонгос улсыг дэмжиж дайнд оролцсон билээ.
Уг дайн 1950 оны 06-р сарын 25нд Умард Солонгосын арми хоёр улсыг тусгаарладаг 38-р өргөрөгийг довтлон орсноор эхэлсэн бөгөөд 1953 оны 07-р сарын 23нд тулаан зогсоох гэрээнд талууд гарын үсэг зурсан ч дайн албан ёсоор дуусаагүй хэвээр байсан юм. Учир нь өдгөөг хүртэл талууд энх тайвны гэрээ байгуулаагүй байсан юм.
2018 онд олон хоног үргэлжилсэн чуулга уулзалтын үр дүнд Өмнөд Солонгосын ерөнхийлөгч Мун Жэ-Ин болон Умард Солонгосын удирдагч Ким Жон-Ун нар албан ёсоор дайныг эцэслэж энх тайвны гэрээ үзэглэсэн билээ.
Уг хэлэлцээр АНУ-н Ерөнхийлөгч Доналд Трамп Умард Солонгосын цөмийн зэвсгийн хөтөлбөрөө зогсоохыг шаардсаны улмаас нуран унах эрсдэл үүсээд байсан юм.
Трамп Умард Солонгосын удирдагч Ким Жон Ун-тай гурван ч удаа уулзсан бөгөөд Коммьюнист улсад хөл тавьсан АНУ-н анхны удирдагч болсон юм.
АНУ-н Ерөнхийлөгч Доналд Трамп болон Умард Солонгосын удирдагч Ким Жон Ун.
Доор та бүхэнд Солонгосын дайны тухай мэдэхгүй байж болох хэдэн баримтыг дурдлаа.
АНУ-н арми дэлхий дээрх хамгийн нууцлаг газруудын нэг болон Пхеньян хотыг түр эзэлж байв.
1950 онд Пхеньян хот 8 долоо хоногийн турш АНУ-н армийн удирдлаган дор байсан. Америкийн армийн тэмдэглэлийн дагуу 1950 оны 10-р сарын 19ны өдөр Америкийн армийн 1-р дивиз болон Өмнөд Солонгосын цэргүүд хамтран Умард Солонгосын нийслэлийг түр хугацаанд эзлээд байв.
АНУ-н армийн цэргүүд Пхеньян хотыг эзэлж, бэхлэлт босгож буй нь.
АНУ-н арми дэлхийн 2р дайнд ашигласнаасаа их хэмжээний тэсрэх бөмбөгийг хойд Солонгосын эсрэг ашигласан.
Солонгосын дайн үргэлжилсэн 3 жилийн хугацаанд АНУ-н нисэх хүчин Умард Солонгосыг 635 мянган тонноос ч илүү тэсрэх бөмбөгөөр бөмбөгджээ. Сэтгүүлчид, олон улсын ажиглагчид болон Умард Солонгосын талд олзлогдсон америк цэргүүдийн мэдээллээр бараг бүх л байшин барилга сүйдсэн ажээ. 1950 оны 10-р сар гэхэд умард Солонгосын удирдагчид нуувч болон амьдрах байдлаар ашиглахын тулд нүхэн оромж ухахыг иргэддээ зөвлөж байв.
АНУ-н нисэх хүчний Б-29 загварын бөмбөгдөгч онгоцнууд Солонгосын дайны үед
Америк цэрэг бөмбөгдөлтөд юу ч үгүй сүйдсэн Хамхунг хотын ойролцоо. 1950 он, Умард Солонгос
F-80 загварын байлдааны нисэх онгоц.
4-н F-80 загварын байлдааны онгоц үүргээ гүйцэтгэхээр Япон дахь баазаасаа нисэж байгаа нь
Хойд Солонгос улс ЗХУ болон Жозеф Сталин-г дайнд оролцохыг ятгаж байлаа.
Дэлхийн 2-р дайн дууссаны дараа Солонгосын хойгийг эзлээд байсан Японы арми ялагдсан бөгөөд нутгийн умард хэсгийг ЗХУ, өмнөд хэсэг нь АНУ-н талд ороод байсан юм. Умард Солонгосын удирдагч Ким Ил Сун хоёр Солонгосыг нэгтгэж коммьюнист үзэл сурталаар удирдахыг хүсэж байсан учир ЗХУ-н удирдагч Сталинд хүсэлт тавьж уг үйлдлийг цэрэг зэвсгийн хүчээр хийхийг хүсэж байлаа. Харин Сталин хэрэв Хятад улсын дэмжлэгийг авч чадвал уг үйлдлийг нь зөвшөөрнө гэж хариу мэдэгдэж байсан байна.
Пхеньянд Сталинд зориулж цэргийн парад хийхээр бэлдэж буй нь.
Эх сурвалж: CNN
