Хонконг цагдаагийн албан хаагч өсвөр насны хүүхдэд бэлгийн дарамт учруулжээ
Өнгөрсөн оны 9-р сард засгийн газрыг эсэргүүцсэн хөдөлгөөнд оролцсон гэдэг шалтгаанаар баривчлагдсан өсвөр насны охин олон нийтэд цагдаагын албан хаагч түүнд бэлгийн дарамт үзүүлсэн гэдгийг мэдэгдлээ.
Хохирогч 17 настай эмэгтэйн хэлснээр тэрээр өөртэй нь ижил нөхцөлд орж байсан хүмүүсийг түүнтэй ижил тэмцэж, хатуужилтай байгаасай гэж хүссэндээ ийм зүйл хийж байна гэж мэдэгджээ.
Энэ асуудал дээр цагдаагийн газраас одоохондоо мэдээлэл хийгээгүй байгаа юм.
Хохирогч эмэгтэй өөрийнхөө нэрийг К гэж хэлсэн бөгөөд, хэвлэлийн бага хурлаар өнгөрсөн оны 9-р сард Ша Тинд байрлах Нью Таун Плазад цагдаагийн ажилтны биед санаатайгаар халдсан гэдэг шалтгаанаар баривчлагдаж, тэр үеэс хойш хорионд байсан юм.
Хохирогчын хэлснээр түүнийг баривчилсан даруй цагдаагийн эмэгтэй албан хаагч олон удаа түүний биед бэлгийн дарамт үзүүлжээ. Түүний мэдээлж байгаагаар түүнийг цагдаагийн хэлтэст хүргэснийхээ дараа ариун цэврийн өрөө оруулалгүй олон цаг болж, өмгөөлөгчтэй уулзах хүсэлтийг удаан хугацаанд биелүүлээгүй мөн нүцгэлж бүтэн биеийн үзлэг хийсэн аж. Түүний биед үзлэг хийсэн цагдаагийн эмэгтэй албан хаагч түүнийг олон удаа гутаан доромжилж, сэтгэл санааны гүн хямралд оруулсан байна. Тэр үеэс хойш сэтгэл санааны гүн хямралд орж өөрийнхөө амийг хорлохыг хүртэл оролдож байсан удаатай ажээ.
К мөн түүнчлэн цаашид энэ удирдлагын системд итгэж чадахгүй болсон учраас гомдол мэдүүлэх ямар ч хүсэлгүй байгаа гэж хэлжээ.
ХонгКонг-н Нийгмийн Ажилтнуудын Ерөнхий нэгдлийн хэвлэлийн төлөөлөгч Жэки Чен
“К гийн хэрэг бол маш том нууцын зөвхөн өнгөцхөн хэсэг, өөр маш олон тооны өсвөр насныхан цагдаагийн хэрцгий хандлагын золиос болсоор байгаа”
гэж мэдэгдсэн юм. Чен мөн түүнчлэн цагдаагийн албан хаагчдад баривчлагдсан хүмүүсийг ёс зүй болон хууль ёсны зарчмыг хүндэтгэн үзэж ямар нэгэн байдлаар харгис доромжлол үйлдэхгүй байхыг хүссэн юм.
