Арабын тэнгисээс эхэлсэн хар салхи нь Энэтхэгийн зүүн эргийг дайрч өнгөрсөн ба хүн ам олонтой Мумбай хотыг чиглэн яваа юм.
Нисарга циклон нь Мумбай хотоос өмнөд зүгт 100 км зайд далайгаас хуурай газар луу орж эхэлсэн юм. Үүнээс сэргийлж олон арван мянган хүмүүсийг өндөрлөг газар луу нүүлгэн шилжүүлсэн байна.
Эдийн засгийн гол төв болох Мумбай хот нь сүүлийн үед тохиолдож байгаагүй том хар салхины аюулд өртөөд байна. Түүнчлэн Энэтхэгийн хамгийн их хүнтэй буюу 20 сая хүн амтай уг хотод коронавирус цар тахлын байдал хүнд байгаа.
Арабын тэнгисийн халуун уснаас эрчээ авч эхэлсэн хар салхи нь Мумбайн цагаар 13:00-т их газарт нэвтэрсэн ба 100 км/цагаас дээш хурдтайгаар явж байгаа юм.
Хүмүүсийн аялах дуртай газруудын нэг болох Махараштра мужийн Алибауг хотын арал анх хар салхинд өртсөн. Нисарга зүүн хойд зүгт чиглэн явбал Гужарат хот хар салхинд өртөх магадлалтай.
Оршин суугчдыг гэртээ байхыг анхааруулсан ба зарим хүмүүс өндөрлөг газар луу нүүсэн байна.
Мягмар гарагаас хойш Мумбайд бороо орсоор байгаа ба тэнгэр харанхуй байна гэж "ВВС Marithi"-ийн сэтгүүлч Жанхавий Мүүле хэлжээ. Мөн үргэлжлүүлэн "Модод хүчтэй сэгсрэгдэж байна. Далайн эргийн олон нийтэд хаасан ба хүмүүсийг гэртээ бай гэж цагдаагийн эргүүлийн машинаас зарлаж байна. Хэдий бүх л байж болох урьдчилсан сэргийлэх арга хэмжээг авч байгаа боловч Мумбай цар тахалд атгуулсан учраас санаа зовж байна" өгүүлэв.
Энэтхэгийн Цаг Уурын Төвөөс Нисаргаг "ноцтой хар салхин шуурга" болон хувирсан байна гэж Лхагва гарагт мэдээлсэн байна.
Энэтхэг улсад цар тахлын байдлаараа хамгийн хүнд байгаа Мумбай хот нь 40,000 вирусийн тохиолдол, 1,400 гаруй хүн нас барсан бөгөөд Нүүлгэн шилжүүлсэн олон арван мянган хүн дотор Ковид 19-д зориулж барьсан хээрийн эмнэлгийн 150 өвчтөнүүд багтаж байгаа юм.
Эргийн дагуу амьдардаг, хэврэг байшинтай хүмүүсийг нүүлгэн шилжүүлж байгаа гэж Энэтхэгийн засгийн газар мэдэгдсэн. Түүнчлэн 18 усан онгоцны 109 загасчдыг аюулгүй газар хүргэсэн хэмээн эргийн харуул хэлсэн байна.
Хүмүүсийг гэрээ аюулгүй болгох, яаралтай тусламжийн хайрцаг бэлдэх мөн чухал бичиг баримтуудыг усны хамгаалалттай саванд хийж хадгалахыг мөн засгийн газраас зааварчилга өгчээ.
Энэтхэгийн зүүн эрэгт хар салхи их тохиолддоггүй. Баруун эргийн Колкатаг сүйд хийсэн Амфан хар салхи дайрч өнгөрөөд хоёр ч долоо хоноогүй байхад Нисарга тохиолдож байгаа юм.
Хөрш зэргэлдээх Бангладеш улс болон Энэтхэгийн Баруун Бенгал, Орисса мужуудад нийтдээ 100 гаруй хүн нас барсан байна.
