Хоол орлуулагч эм
Хоол идмээр байна уу? Өдөрт 3 удаа эм ууснаар бүх хэрэгтэй шим тэжээлээ бас дуртай амтаа та мэдэрч болно. Өглөөний цайндаа хавч идмээр байна уу? Амархан. Мөөг идмээр байвч гулжганасан эвгүй санагдаж байна уу? Амархан шийдэгдэнэ.
Хоол хүнс орлуулах эм бидний ирээдүй болоод байна. Өнгөрсөн зууны турш энэ зүйл яригдсаар ирсэн. Гэхдээ яагаад одоо болтол бидэнд байхгүй байна вэ? Одоо бүтээгдвэл бидний хоол хүнсний хэрэглээ яаж өөрчлөгдөх вэ? Бид илүү эрүүл болох уу? Дэлхийн өлсгөлөнг зогсоож чадах уу? Биднийг амьдарч байх хугацаанд энэ бэлдмэл бүтээгдэх болов уу?
1893 оны Чикаго Дэлхийн үзэсгэлэнгээр Америкийн Хэвлэлийн Холбоо зохиолчдыг 1993 оны дэлхийг зөгнөн бичих саналыг тавьж байсан бөгөөд эмэгтэйчүүдийн сонгууль өгөх эрхийн төлөө тэмцэгч америк эмэгтэй болох Мари Элизабет Лийс нь гал тогооны ажил болон бусад гэрийн ажлуудаас эмэгтэйчүүдийг чөлөөлөх хиймэл хүнсний талаар бичсэн байна.
Үүнээс хойш хэдэн арван жилийн турш уран зөгнөлт номын зохиолчид, кино бүтээгчид болон олон хүмүүс хоол орлуулагч эмийн санаагаар туршилт хийсэн. Хамгийн дөхсөн нь "Сойлент" (soylent) бөгөөд энэ нь өдөрт хүнд хэрэгтэй өөх тос, цардуул, уураг, витамин болон минералуудыг өөртөө агуулсан өтгөн ханд юм.
Хэрвээ бид хоолоо ханд болгон ууж болж байгаа юм бол яагаад эм болгон ууж болохгүй гэж?
Хоол хүнсний хэрэглээнийхээ нэг хэсгийг шим тэжээлтэй эмээр солиход хэцүү биш. Аль ч эмийн сангаас бүх л өөртөө хэрэгтэй витамин авч болно.
Ингэснээрээ өөрийгөө ухаалаг бас тэжээлээ хангалттай авч байна гэж бодож болох ч төд удалгүй уцаарлаж, сэтгэл гутралд орж, ядарснаар эцэст нь өлсөж үхнэ. Учир нь бидэнд зөвхөн шим тэжээлээс гадна калори маш чухал. Насанд хүрсэн хүн өдөрт дунджаар 2,000 калор хэрэглэх ёстой.
Үүнийг тайлбарлавал:
- Өглөөний цайнд 2 өндөг, нэг зүсэм талх, 2 том халбага газрын самрын нухаш, нэг аяга жүүс
- Өдрийн хоолонд цацагт хяруулын махтай сэндвич, лууван, шоколадтай жигнэмэг, нэг аяга сүү
- Оройн хоолонд шарсан сальмон загас, зууханд шарсан төмс, жигнэсэн брокколи, дессертэнд нэг аяга зайрмаг
- Амны зугаа хэрэгтэй байвал өдөртөө нэг алим болон овьёосны шахмал идээд энэ бүгд нийтдээ 2000 калор болж байгаа юм.
Энэ бүхнийг яаж нэг эмд багтаах вэ?
Боломжгүй. Өөх бол калороор хамгийн баяжмал эх үүсвэр ч гэсэн нэг ширхэг эмэнд хангалттай их калори багтаах боломжгүй. Гэхдээ зөвхөн эмээр хоол хүнсний хэрэгцээгээ хангая гэвэл өдөрт 450 калоритай нэг ширхэг эм болон бусад шим тэжээлээ авах витаминууд хэрэгтэй.
"Сойлент" иймэрхүү зорилгоор бүтээгдсэн юм. Сан Францискод байрны түрээс болон өргөн хэрэглээний бараа нь өндөр үнэтэй тул Роб Раинхарт химийн тусламжтайгаар санхүүгээ зохицуулахыг оролдсон байна. Тэрбээр хүн амьд байхын тулд юу хэрэгтэйг олж мэдсэн ба түүхий найрлагуудыг нунтаг хэлбэрээр захиалан миксерт устай хольж хийн эрүүл, өтгөн коктэйл бүтээсэн юм.
Раинхартын хүнсний хэрэглээ сарын 470 доллароос 50 доллар болтлоо буурсан.
Хоол орлуулагч эмийн тусламжтайгаар бид хамаагүй ашигтай бөгөөд хүнсний аюулгүй байдалтай дэлхийг төсөөлж чадна. Энэхүү ирээдүйн эмийг үйлдвэрлэхэд болон түгээхэд хялбар ба хямд байх юм. Өнөөгийн дэлхийн дулаарлаас болж бидний тарьж ургуулах боломжтой зүйлс хязгаарлагдаж байна. Жишээ нь манго болон авакадо дэлхийн дулаарал болон ган гачигдлаас үүдэн ургац нь дэлхий даяар буурч байна.
Бид хэзээ ч нэг эмэнд бүх хоолоо багтаахгүй байж болох ч хоол орлох эм нь ирээдүйн шийдэл юм.
Хэрвээ та бүх хоол хүнсийг эм орловол дуртай амтаа амталж чадахгүй гэж айж байгаа бол санаа зоволтгүй. Английн Хоол Хүнсний Судалгааны Төв нэг капсул эмд хэд хэдэн амтыг тодорхой хугацааны туршид амтагдах арга олсон. Тиймээс хоол хүнсний ирээдүй гамтай, амттай, хурдан байх нь ээ.
Эх сурвалж: What If
