Төлөвлөгөөний дагуу гарах iPhone 12 нь дагалдах чихэвчгүй байна. Энэ тухай инсайдер Мин-Чи Куогийн тайлангаас иш татан "9to5mac.com"-д мэдээлжээ.
Мин-Чи Куо нь Ази, Номхон далайн бүсэд санхүүгийн үйлчилгээ эрхэлдэг "TF International Securities" компанийн шинжээч юм.
"Apple" компани нь 2020 оны загвараасаа эхлэн "Earpods"-ыг гар утсанд үнэгүй дагалдуулахаа болих юм. Мин-Чи Куогийн үзэж буйгаар "iPhone"-ий шинэ загваруудад чихэвч дагалдахгүй байх шалтгаан нь "Airpods"-ын борлуулалтыг дээшлүүлэх "Apple"-ийн шинэчлэгдсэн бодлоготой хамааралтай аж. Чихэвчгүй хүмүүс "Earpods" эсвэл утасгүй чихэвч болох "Airpods"-ыг худалдан авах болно гэж Мин-Чи Куо үзэж байгаа юм.
Үүнтэй холбоотойгоор уг компани нь зул сарын баярын үеэр утасгүй чихэвчүүдийн борлуулалтаа өсгөх зорилготой байгаа. Ко-гийн үзэж байгаагаар "Apple" энэ онд ойролцоогоор 80-93 сая "Airpods" борлуулж чадна. Үүнээс гадна түүний тайланд дурдсанаар "Apple" компани нь 2021 онд ч чихэвч дагалдуулахгүй гэжээ.
2016 онд "iPhone 7" болон "iPhone 7 Plus"-ын чихэвчийн оролтыг хассан бөгөөд үүнийгээ "Apple" чийгийн хамгаалалт хэмээн тайлбарласан юм. 3,5 мм хэмжээтэй оролттой чихэвчийн оронд "Lightning jack" бүхий "Earpods"-ыг иж бүрдэлд нэмэн оруулсан байна. Мөн "iPhone"-ий шинэ загваруудын хайрцагт өмнөх загварын чихэвч ашиглах боломжтой оролт салаалагчийг хийж өгдөг болсон.
Зах зээл дээрх бүх "iPhone"-той дагалдаж ирдэг утастай "Earbuds"-ын үнэ "Apple"-ийн дэлгүүрүүдээр 30 долларын үнэтэй худалдаалагдаж байна. "Bluetooth"-ээр ажилладаг "Airpods"-ийн үнэ 160 доллароос эхэлдэг.
Эх сурвалж: Lenta.ru
