“Мэдээллээс илүү мэдлэгийг түгээе” уриатай Caak News үндсэн сайтаасаа энэ оны 1-р сард салбарлан гарсан билээ. Манай сайт уншигч та бүхэндээ дотоод болон гадаад мэдээг цаг алдалгүй хүргэж, нийтлэл болон танин мэдэхүйн буландаа орчин үеийн хэрэгцээ бүхий мэдээллийг хүргэдэг билээ. 

Улмаар уншигчдадаа хүргэх үндсэн төрлөө баяжуулж, оюуны цангааг тайлах мэдээ мэдээллийг бэлтгэн хүргэхээр манай сайт шинэчлэгдэж байгааг дуулгахад таатай байна. Орчин үед чухалд тооцогдож, мэдлэгт нэмэр болох мэдээний чиглэлээр:

• Инноваци- Шинэ санаа технологийг амьдралд хэрэглэх хэрэгцээнээс үндэслэн орчин үед шинэлэг санаа бүтээл олон гарах болсноос ололт нээлт, мэдээлэл
• Хиймэл оюун- Маш олон салбарыг хамрах болсон хурдацтайгаар хөгжиж байгаа энэхүү шинжлэх ухааны шинэ нээлт, хэрэглээний талаар сонирхолтой мэдээлэл
• Сэтгэл судлал- Өнөө үед энэхүү салбар улам чухал болж байгаа бөгөөд гол ойлголтуудын талаар орчин үеийн чиг хандлага, хүмүүст хэрэгцээт зөвлөгөө
• Геополитик- Дэлхийн улс төрийн үйл явдал, олон улсын харилцааны тухай цаг алдалгүй хүргэж, тулгамдаж буй асуудал улс төрийн газарзүйд тулгуурлан соёлын нөлөөний судалгаа
• Шинжлэх ухаан- Аливаа зүйлийн учир шалтгааныг судлах, мэдлэгийн суурь болох шинжлэх ухааны нээлт ололт, танин мэдэхүйн онц сонирхолтой мэдлэг түгээх нийтлэл
• Боловсрол- Дэлхийн монгол иргэнийг бэлтгэхэд хамгийн чухал нөлөө үзүүлэх боловсролын тухай мэдээлэл, бусад улс орнуудын боловсролын систем, энэ сэдвээр хийгдэж буй судалгаа шинжилгээг хүргэнэ.
• Цаг үе- Дэлхий болон дотоодын хамгийн сүүлийн үеийн мэдээллийг уншигчдадаа зориулж багцлан хүргэнэ. 

Та бүхэндээ мэдлэг тэлэх, хэрэгцээт мэдээ мэдээлэл, нийтлэлийг хүргэх бөгөөд чанарыг эрхэмлэх болно. Түүнчлэн, манай хамт олон залуучууддаа чиглэсэн, танин мэдэхүйн мэдээ мэдээллийг түгээхээр ажиллаж байна.