1 Өмнөд болон Хойд Солонгосын цэргүүд мөргөлджээ

Өмнөд Солонгосын албаны хүмүүс Хойд болон Өмнөд Солонгос улсын цэргүүд Ням гарагийн өглөө хоёр улсын зурвас дээр мөргөлдөж бие биен рүүгээ гал нээсэн тухай мэдэгджээ. 

Хойд Солонгосын цэргүүд хилийн шугамын цаана байрлах Өмнөд Солонгосын харуулын пост руу хэд хэдэн удаа буудсан гэж Сөүл дэх штабын дарга нар "NBC News" сувагт бичгээр мэдэгдэв. Азаар ямар нэг хохирол гараагүй байна.

Эх сурвалж: NBC News

2 Франц улс хөл хорины хугацааг 2 сараар сунгав

Франц улс коронавирусийн тархалтыг бууруулах зорилгоор тогтоосон хөл хорионы хугацааг 7 сарын 24 хүртэл дахин хоёр сараар сунгана гэж Эрүүл мэндийн сайд Оливье Веран мэдэгдлээ.

Гуравдугаар сарын 24-нд эхэлсэн онцгой байдлын энэ сард цуцална хэмээн хүмүүс найдаж байсан ч тус өвчний тархалт хараахан буурах болоогүй байгаа учраас ийм шийдвэр гаргасан байна. 

Хөл хорионы хуулийн төслийг энэ долоо хоногт багтаан Сенатын өмнө болон Үндэсний ассамблейд танилцуулах болно гэж Засгийн газрын хэвлэлийн төлөөлөгч Сибет Ндиай хэлэв. 

Эх сурвалж: France24

3 Хойд Солонгосын албаны хүмүүс Ким Жон Уныг хагалгаа хийгээгүй гэж мэдэгдэв

Хойд Солонгосын удирдагч Ким Жон Ун мэс засал эсвэл өөр ямар нэгэн эмчилгээ хийлгээгүй гэж Хойд Солонгосын нэгэн албан тушаалтан ням гарагт мэдэгджээ. Тэрбээр 20 хоногийн турш олны өмнө гарч ирээгүй учраас дэлхий нийтээр түүний биеийн байдал муудсан тул хагалгаанд орсон хэмээн таамаглаж байсан юм. 

Ким Жон Ун өнгөрсөн бямба гарагт Пхеньяны ойролцоо бордооны үйлдвэрийн нээлтийн ёслолд оролцсон нь дээрх таамгийг няцаасан билээ. 

Хойд Солонгос инээмсэглэж буй Ким чөлөөтэй хөдөлж, улаан тууз хайчлан, тамхи татаж байсан нь түүнийг хүнд өвчтэй эсвэл бүр нас барсан байж болзошгүй гэсэн цуу яриаг дарсан юм.

Эх сурвалж: Globalnews

4 Майн нэгний баярын өдрөөр Шанхай хот нэг сая жуулчин хүлээн авчээ

Хятад улс өнгөрсөн долоо хоногт Олон улсын хөдөлмөрчдийн баярын өдөр буюу Майн нэгний баярыг тэмдэглэн өнгөрүүлсэн байна. Тэгвэл тус баярын амралтаар Шанхай хот нэг сая орчим дотоодын жуулчин хүлээж авсан тухай Шанхай хотын соёл, аялал жуулчлалын төв мэдээлжээ. 

Зарим үзвэр үйлчилгээний газрууд хэт их хөл хөдөлгөөнийг хязгаарлах үүднээс бүх жуулчдыг заавал цаг авахыг шаардсан аж. Мэдээж хэрэг гадуур явахдаа заавал амны хаалт зүүх, халуунаа хэмжүүлэх ёстой болсон нь зарим газарт олон цагийн дараалал үүсгэсэн байна. 

"Тэдний авч хэрэгжүүлж байгаа арга хэмжээ өвчнөөс сэргийлж чадна гэдэгт итгэж байна" гэж Шанхайд Дорнод нутгаас аялахаар ирсэн Ли Жи хэлэв.

Эх сурвалж: China Daily

5 Европын холбоо коронавирусийн эм болон вакцин гаргах ажилд 8 тэрбум ам.доллар зарцуулна

Европын холбоо 5-р сарын 4-нд Коронавирусын эмчилгээ, үр дүнтэй оношлогоо, вакцин гаргах дэлхийн хамтын ажиллагааг дэмжих зорилгоор 8 тэрбум ам.долларын хөрөнгө зарцуулахаар болжээ. 

Европын зөвлөлийн Ерөнхийлөгч Чарльз Мишель, Германы канцлер Ангела Маркел, Францын Ерөнхийлөгч Эммануэль Макрон, Италийн Ерөнхий сайд Жузеппе Конте, Европын Комиссын Ерөнхийлөгч Урсула фон дер Лейен, Норвегийн Ерөнхий сайд Эрна Солберг нар хандив өгсний үр дүнд ийм хэмжээний хөрөнгө цугларсан аж. 

Эх сурвалж: BBC

6 Венесуэлийн шоронд бослого гарч 47 хүн амиа алдан, 75 хүн шархаджээ

Венесуэлийн Валенси хотод орших Карабобо шоронгийн хоригдлууд бослого дэгдээсэн хэрэг улс орныг нь аймшигт автуулаад байна. Нэгэн хоригдол харгалзагчийнхаа бууг булаан авч, хөл рүү нь буудсанаас эхэлсэн гэх уг бослогыг эрх баригчид цус асгаруулан дарсан байж магадгүй байгаа юм.

Шоронгийн хоригдлуудын ар гэрийнхэн орон нутгийн цагдаагийн газар, шоронгийн ойролцоо цуглан ойр дотныхныхоо талаар мэдээлэл өгөхийг шаардаж байгаа юм байна. Харин албаны хүмүүс бослогоос болж  47 хүн амиа алдан, 75 хүн шархадсан тухай мэдээлсэн байна.

Эх сурвалж: Agence France-Presse

7 Орос улсад нэг өдрийн дотор 10 мянган иргэн халдвар авчээ

Ням гарагт Орос улсад 10,633 шинэ коронавирусийн тохиолдол бүртгэгдсэн байна. 

Гуравдугаар сард гарсан нөхцөл байдлаас эрс өөрчлөгдсөнөөр тус улсын нийт тохиолдлын тоо 134,687 болж, дэлхийд долоо дахь хамгийн олон хүн халдвар авсан ороэ болжээ. 

Одоогийн байдлаар нийтдээ 1280 хүн нас барсан гэж тус улсын коронавирусийн штаб мэдэгдсэн бөгөөд хэргийн 50 орчим хувь нь харшлын шинжтэй байсан гэж нэмж хэллээ. Тус улсын хамгийн их хохирол амссан хот Москва бөгөөд нийт хэргийн тохиолдлын илүү хувь нь тэнд бүртгэгдсэн юм.

Эх сурвалж: CNN

8 Өмнөд Солонгосын эрдэмтэд коронавирусээр давтан өвчлөх боломжгүй гэж мэдэгдлээ

Өмнөд Солонгосын халдварт өвчин хянах, урьдчилан сэргийлэх төвийн (CDC) судлаачид одоо хүний биед "COVID-19" вирусийг дахин идэвхжүүлэх боломжгүй гэж мэдэгдэв.

Хятад, Японы 277 хоёр дахь удаагаа халдвар авсан гэсэн онош аваад байгаа. 

Гэсэн хэдий ч вирусийг сайтар шинжилж үзсэний үндсэн дээр халдвар аваад эдгэсэн хүн дархлаа тогтож дахин халдвар авах боломжгүйг тус эрдэмтэд тогтоосон байна. 

Эх сурвалж: Sky News