Үүний оронд Путин лхагва гаригийг засаглалынхаа хамгийн том хямрал болох коронавирусын дэгдэлтийн улмаас үүссэн бэрхшээлийг арилгахад зарцуулж өнгөрөөжээ. 

Цар тахлын улмаас тус санал хураалт харин тодорхойгүй хугацаагаар хойшлоод байна. 

Дэлхийн хоёрдугаар дайнд нацист Герман улсыг ялсны 75 жилийн ойн парад хүртэл хойшлоод байгаа учраас тус улсын иргэд аль болох гэртээ байхыг эрхэмлэж байгаа бололтой. 

Путин өмнө нь олон хямралыг даван туулж байсан ч Орос улс 1990-ээд оноос хойш ийм бэрхшээлтэй нүүр тулж байгаагүй юм.

ОХУ-ын эдийн засгийн тулгуур болсон газрын тосны үнэ сүүлийн хорин жилийн хамгийн доод түвшинд хүрснээс болоод рубль нь дэлхийн хамгийн ханштай валют болоод байна. Үүнээс болоод тус улсын эдийн засаг агших даа тулаад байгааг эдийн засагчид анхааруулжээ. 

“Макро эдийн засгийн хямрахгүй, гэхдээ ард түмний амьжиргааны түвшин буурах нь тодорхой” гэж ахлах эдийн засагч Сергей Гурьев хэлэв.

Сангийн сайд асан Алексей Кудрин хэлэхдээ энэ жил ажилгүй оросуудын тоо гурав дахин нэмэгдэж 8 саяд хүрэх боломжтой гэжээ.

Мөн газрын тос, байгалийн хийн орлого 165 тэрбум ам.доллараар буурч магадгүй гэж ОХУ-ын "Норде" компанийн ахлах эдийн засагч Татьяна Евдокимова хэлсэн байна. 

Путиний санаачилсан эдийн засгаа хамгаалах 26 их наяд рубль (338 тэрбум ам.доллар)ын хөтөлбөр нь амьдралын түвшинг дээшлүүлж, дэд бүтцийг сайжруулах зорилготой ч энэ төдийлөн үр дүнгээ өгнө гэдэгт ихэнх хүмүүс эргэлзэж байгаа аж. 

Орос улсад 58,000 коронавирусын тохиолдол бүртгэгдсэнээс 513 нь нас барсан юм. 

"Левада" сонины санал асуулгад оролцогчдын үзэж буйгаар 63 хувь нь эрх баригчид хангалттай арга хэмжээ авч чадаагүй гэнэ. 

Одоогоор шинжээчид Орос улсад нийгмийн эмх замбараагүй байдлын эхний шинж тэмдэг ажиглагдаж эхэлсэн болохыг анхааруулж байгаа. Даваа гаригт Оросын өмнөд хэсэгт болсон жагсаал, онлайн эсэргүүцлийн хөдөлгөөн, бизнес эрхлэгчид татвараа төлөхөөс татгалзаж байгаа зэрэг нь нөхцөл байдлыг улам дордуулж эхэлжээ. 

Мэдээж хэрэг ард иргэд Путиний захиргааг энэ бүхэнд буруутай хэмээн үзэх үзэл нэмэгдсээр байна. 

Харин Кремль ирсэн шүүмжлэлийг няцааж, бүс нутгийн удирдагчдыг орон нутгийн түвшинд аливаа асуудлыг зохицуулах үүрэгтэй учраас тэдэнд хариуцлага тооцон хэмээн мэдэгдсэн юм. 

Энэ сард эмийн сангууд нүүрний маск эсвэл парацетамол худалдаж авах боломжгүй болтлоо хоосорсон бөгөөд нэгэн үйлчлүүлэгч эмэгтэй: "Бид үүнийг бүгдийг нь гаднынханд хандиваар өгсөн байх. Бид яагаад тэгсэн юм бэ? " хэмээн телевизэд өгсөн ярилцлагын үеэр хэлсэн нь олны анхаарлыг татсан байна. 

Путиний ерөнхийлөгчийн алба хаших хугацаа 2024 он хүртэл дуусахгүй. Тэрбээр төрийн телевиз, цагдаа нарыг ашиглан аливаа эсэргүүцлийн хөдөлгөөнийг байгаа газрыг дарах чадалтай гэдгээ удаа дараа харуулсан ч энэ удаад хэтэрхий олон хүн түүний эсрэг байр суурьтай байгаа илт болжээ. 

Зарим шүүмжлэгчид коронавирусийн хямралыг зохицуулж чадаагүйтэй холбоотойгоор эдийн засгийн хямрал улам даамжирч болохыг анхааруулсаар байгаа билээ. 

Улс төрч Владимир Милов хэлэхдээ, "Ард түмэн боссон нөхцөлд Үндэсний гвардийг хөдөлгөсөн ч иргэдийн эсрэг юу ч хийж чадахгүй." гэж хэлсэн байна. 

Гэхдээ Путин энэ бүхнийг ажрахгүй давна гэдэгт итгэж байгаа хүмүүс цөөнгүй байгаа юм. 

Эх сурвалж: BBC