Япон Улсын Ерөнхий сайд Шинзо Абэ 2020 оны 4-р сарын 7-ноос эхлэн бүтэн нэг сарын хугацаатай онц байдал зарлалаа. Энэхүү шийдвэрийн хүрээнд Токио, Осака хот, Канагава, Сайтама, Чиба, Хёого, Фүкүока гэсэн нийт 6 бүс нутаг бүтэн сарын хугацаанд хөл хорионд орж байгаа юм.
Онц байдлыг хүрээнд Японы засгийн газар хувийн хэвшлийн барилга байгууламжуудыг халдварт өвчинтэй тэмцэх үүднээс дайчлах, ингэхийг зөвшөөрөөгүй тохиолдолд тухайн өмчийг улсын мэдэлд авах бүрэн эрхтэй болж байгаа юм.
Хөл хорионы үед чухал шаардлагагүй бол гадуур явах, хорио тогтоосон мужаас зөвшөөрөлгүйгээр гарч явах, олон нийтийн арга хэмжээг цуцлах, эм, хүнсний бүтээгдэхүүн нийлүүлэгч аж ахуйн нэгжүүдийг бүтээгдэхүүнээ засаг захиргааны нэгжид борлуулахыг шаардах, дээрх шаардлагуудыг эсэргүүцсэн аж ахуй нэгж, иргэнд хуулийн дагуу торгууль ногдуулах, мэдээллийг нь олон нийтэд зарлах эрхтэй юм.
Онц байдлын үеэр олон нийтийн тээврийн хэрэгсэл, эмнэлэг, эмийн сан, банк, хүнсний дэлгүүрийн үйл ажиллагаа хэвийн үргэлжлэх гэнэ.
Токио хотын захирагч “гадагш гарахгүй байх, олон нийтийн арга хэмжээ зохион байгуулахгүй байх, зайлшгүй шаардлагаар гадагш гарсан бол бусдаасаа 2 метрийн зай барих, олон нийтийн тээврийн хэрэгслээр зорчихгүй байхыг хичээх, хүнсний болоод өргөн хэрэглээний бүтээгдэхүүн бөөнөөр нөөцлөхгүй байх, зайнаас ажиллахыг хичээх хэрэгтэй" гэж мэдэгджээ.
Эх сурвалж: VOA
