Олон улсын валютын сан дэлхий даяар коронавирус тархсанаас үүдэн дэлхийн эдийн засаг удаашралд орсон гэж албан ёсоор мэдэгдэв.

ОУВС-гийн менежер захирал Кристалина Георгиева "2020, 2021 оны дэлхийн эдийн засгийн өсөлтийн төлөвийг дахин үнэлэх шаардлагатай. Бид 2009 оных шиг, эсвэл түүнээс илүү том удаашралд ороод байгаа нь одоо тодорхой боллоо. Гэхдээ мэдээж коронавирусийг тогтоон барьж чадсан цагт эдийн засгийн өсөлт эргэн сэргэх нь дамжиггүй юм" гэж тэрбээр хэвлэлийн бага хурлын үеэр хэлэв.

Георгиевагийн хэлснээр дэлхийн эдийн засаг гэнэт зогссоноос үүдэх хамгийн тос асуудал нь бол дампуурал, ажилгүйдэл нэмэгдэх эрсдэлтэй юм.

Үүнээс болоод олон улсад төрөл бүрийн мөргөлдөөн үүсэх боломжтой аж. 

ОУВС болон эдийн засагчид COVID-19 дээр суурилсан эдийн засгийн удаашрал үүсэх магадлал асар өндөр байна хэмээн анхааруулж байсан ч улс орнууд түүнээс сэргийлэх арга хэмжээ аваагүй нь харамсалтай.

Одоо тэгээд яах вэ?

ОУВС дэлхийн эдийн засгийн удаашралыг эдийн засгийн өсөлт буурч, ажилгүйдэл нэмэгдсэн үе гэж тодорхойлдог.

Удаашралын талаар албан ёсны тодорхойлолт гараагүй ч эдийн засгийн уналт хэдэн сараас илүү хугацаагаар үргэлжилсэн тохиолдолд хямрал үүссэн гэж үздэг. Хямралыг тодорхойлох гол үзүүлэлтүүд нь үйлдвэрлэл, ажил эрхлэлт, бодит орлого зэрэг орно. 

Дэлхий нийт хамгийн сүүлд 2008-2009 оны хооронд эдийн засгийн удаашралд орох үед АНУ, Европ зэрэг орнуудын ажилгүйдэл нэмэгдэж, томоохон компаниудын ашиг буурч, санхүүгийн зах зээл унаж, орон сууцны салбар уналтад орсон юм.

ОУВС саяхан ядуу буурай орнуудын өрийг төлөхөөс хамгаалахыг дэмжиж байсан боловч өнгөрсөн Пүрэв гаригт болсон Их 20-ийн удирдагчдын дээд хэмжээний уулзалт дээр энэ талаар ямар нэг санал гаргаагүй юм.

Эх сурвалж: BBC