Коронавирусийн хамгийн идэвхтэй байдаг температурыг Хонконгийн эрдэмтэд тогтоожээ
Covid-19 буюу коронавирусийг таньж мэдэх судалгаанд ахиц үзүүлсэн нэгэн том нээлтийг Хонконгийн Их сургуулийн эрдэмтэд хийжээ. Тус сургуулийн судлаачид коронавирус нь цельсийн 4 хэмд хамгийн идэвхтэй байдаг болохыг тогтоосон байна.
Тэдний судалгааг “medRxiv.org”цахим хуудсанд нийтэлсэн бөгөөд дээрх хэмээс илүү халуун нөхцөлд амьд байж чаддаггүй болохыг тус нийтлэлд мөн онцолсон аж.
Тус судалгаанд оролцсон нэгэн эрдэмтэн "Тус вирус нь цельсийн нэмэх 4 хэмд маш амь бөхтэй оршдог боловч түүнээс халуун, өндөр хэмд маш эмзэг болдог" гэж хэлсэн байна. Мөн тэрбээр цааш нь 4 хэмд 2 долоо орчим хоног амьдардаг коронавирус 70 хэмд ердөө 5 минутын дотор үхдэг болохыг тэмдэглэжээ.
Цаашлаад цельсийн нэмэх 22 хэмд коронавирус 1 долоо хоног, 37 хэмд 2 хоног, 56 хэмд хагас цаг амьдрах чадвартай байдаг гэнэ. Харин тасалгааны температурт тус вирус 7-10 хоног амьдардаг бөгөөд чийгшилтэй нөхцөлд илүү амь бөхтэй болдог гэнэ.
Үүний дээр нарны гэрэлд энэхүү вурус нь устах боломжтой гэсэн онолыг дэвшүүлээд байгаа юм.
Тус сургуулийн эрдэмтэн Ричард Чанг "SARS болон MERS шиг COVID-19 бол нэг төрлийн хүндэрсэн ханиад юм. Дулааны улиралд ханиадны тохиолдол буурдаг шиг дулаарах тусам тархалт буурах магадлалтай. Учир нь нарны хэт ягаан туяа ханиадны вирусийг хамгийн үр дүнтэй устгадаг юм" гэж хэлсэн байна.
Эх сурвалж: medRxiv.org
