1 Зөөвөрлөгдөн орж ирсэн 10 тохиолдол бүртгэгдэв

Анхны тохиолдол: Москва-Улаанбаатар чиглэлийн онгоцоор гуравдугаар сарын 2-нд УБ-т газардсан Франц иргэнээс коронавирус илрэв.

Удаах тохиолдол: Сөүл-УБ, Берлин-УБ-ын тусгай үүргийн онгоцоор ирсэн 3 иргэн гуравдугаар сарын 17-ны өдрийн 20 цагт эхний шинжилгээний хариугаар Ковид-19 халдвар авсан нь тогтоогдов.

Сүүлийн тохиолдлууд: Гуравдугаар сарын 16-нд Берлин-Москва-Улаанбаатар чиглэлийн тусгай үүргийн онгоцоор ирж ХӨСҮТ-д тусгаарлагдсан 6 хүнийг коронавирусийн халдвар авсан болохыг ээлж дараалан тогтоов.

Нийт: 10 тохиолдол

2 Нийт тохиолдлыг хүйсээр авч үзвэл:

Ковид-19 халдвар авсан нь батлагдан, ХӨСҮТ-д эмчлүүлж буй 10 иргэний 7 нь эмэгтэй, 3 нь эрэгтэй байна.

3 Насны ангилалаар авч үзвэл:

Нийт батлагдсан тохиолдлыг насны ангилалаар авч үзвэл дийлэнх буюу 30% нь 30-34 насныхан байна. Тодруулбал,

15-19 насны- 1 иргэн

25-29 насны- 1 иргэн

30-34 насны- 3 иргэн

40-44 насны- 1 иргэн

45-49 насны- 1 иргэн

55-59 насны- 2 иргэн

65-69 насны- 1 иргэн байна.

4 Ажиглалтад 2084 иргэн байна (гуравдугаар сарын 24-ны байдлаар)

Харин ажиглалтад орж, тусгаарлагдсан 2084 иргэн байна.

Тэдгээрийн 1117 иргэн нийслэл УБ хотод ажиглалт, тусгаарлалтад байгаа бол Баян-өлгий аймагт- 398

Сэлэнгэ- 199

Дархан-Уул- 153

Орхон- 123

Увс- 58

Дорнод- 28

Дорноговь- 23

Хөвсгөл- 4

Ховд-3 хүнийг тус тус ажиглалтад аваад байгаа аж.