Олимпийн наадам

Олон улсын олимпын хорооны гишүүн Дик Фунт агентлагт мэдэгдэхдээ Токио 2020 бэлтгэл ажил "ердийнхөөрөө" явагдаж байгаа бөгөөд Олимпын наадам цуцлах эсэх ямар ч шийдвэрийг 5-р сар хүртэл шийдэх, мэдээлэх шаардлагагүй  гэв.  Хэрэв тухайн үед цуцлахаар нөхцөл байдал үүссэн байвал Олимпыг хойшлуулах нь зөв гэжээ. Тухайн үед 5-р сард) хүмүүс Токио явахдаа итгэлтэй, айдасгүй байж, аюулгүй байдал, хоол хүнс, зочид буудал дээр санаа зовохгүй байж болох ч "Токио 2020" наадам зохиогдох эсэх нь Covid-19 өвчний аюулын цар хүрээ багасахгүй, улам бүр нэмэгдэж, хариу арга хэмжээ авч чадаагүй тохиолдолд цуцлахаас өөр аргагүй болно хэмээжээ. Зуны Олимп 7-р сарын 24-нд эхлэхээр төлөвлөж байсан ч одоогийн байдлаар хойшлогдож магадгүй нөхцөл байдал Японд үүсээд байна. Учир нь хоёрдугаар сарын 22-нд эхлэх байсан 80,000 сайн дурын ажилтнуудад зориулсан сургалт хоёр сараар хойшлогдсон бөгөөд цаашид сунгаж магадгүй байгаа юм байна.

Аялан тоглолтууд

Stormzy 2020 онд таван тив даяар аялан тоглохоор төлөвлөж байсан ч Ази тивийн хөл хорионоос үүдэн хойшлогдоод байна. Stormzy ийм шийдвэр гаргасандаа уучлал хүсч: "Коронавирусыг тойрсон дэлхийн эрүүл мэндийн байдал хурцадмал байдалд байгаад санаа зовж байгаа тул аялан тоглолтын хуваарьдаа өөрчлөлт хийж байгаадаа харамсаж байна" гэжээ. Британийн поп од Мабел аялан тоглолтынхоо Итали дахь хуваарийг цуцалснаа мэдэгдэв. R&B уран бүтээлч Халид "Фэнүүд болон концертод оролцох бүх хүмүүсийн аюулгүй байдалд санаа зовж байна" хэмээгээд Азийн аялан тоглолтоо хойшлуулсан билээ. 

Премьер лиг

Премьер лигийн клубууд дэлхий даяар тархаж буй коронавирусаас хамгаалах зорилгоор NHS удирдамжийг даган мөрдөж байгаа билээ. Энэ үүднээс удирдах зөвлөл нь Үндэсний аюулгүй байдлын хороон дахь эмнэлгийн ахлах ажилтнуудтай хамтран зөвлөмжийн дагуу Премьер лигийн бүх тоглолтуудыг цуцлаад байна. 

Женевийн авто шоу

Автомашины салбар дахь хамгийн том үйл явдлуудын нэг болох Женевийн олон улсын авто шоу тоглолт олон нийтийн арга хэмжээ зохиохгүй байх шийдвэрийг Швейцарын засгийн газраас мэдэгдсэний дараа арга хэмжээ цуцлагдсаныг зохион байгуулагчид зарласан ажээ. Олон улсын арга хэмжээ нь эдийн засгийн хувьд чухал ач холбогдолтой ч Швейцарын засгийн газар ард иргэдээ хамгаалахын тулд цуцлахаас өөр сонголтгүй гэв.

Facebook хөгжүүлэгчдийн чуулга уулзалт

Фэйсбүүк хөгжүүлэгчдэд зориулан жил бүр зохион байгуулагддаг F8 хурлыг цуцаллаа. Энэхүү арга хэмжээг 5-р сарын 5-6нд Калифорниа мужийн Сан Хосе хотод зохиогдох төлөвлөгөөтэй байв. Өнгөрсөн жилийн хэлэлцүүлэгт дэлхийн өнцөг булан бүрээс 5000 гаруй хүн оролцсон бөгөөд фэйсбүүк нь шууд дамжуулалт, арга хэмжээ, видео бичлэг зэргийг багтаасан хөгжүүлэгчдийнхээ хамтын ажиллагааны талаар хэлэлцэх өөр арга замыг төлөвлөж байгаа юм байна.

Загварын долоо хоногууд

III сарын сүүлээр Бээжин, Шанхайд  болох ёстой байсан загварын долоо хоног хойшлогдлоо. Үүний зэрэгцээ олон тооны хятад брэндүүд Парис, Милан дахь загварын долоо хоногт оролцохоос татгалзлаа.

Дэлхийн хөнгөн атлетикийн аварга шалгаруулах тэмцээн

Нанжин хотод 3-р сарын 13-15-ны өдрүүдэд зохион байгуулагдах байсан дэлхийн хөнгөн атлетикийн аварга шалгаруулах тэмцээн ирэх жил хүртэл хойшлогдсон билээ.

Формула 
4-р сарын 19-нд зохиогдох ёстой байсан Хятадын Гран-При, Формула тэмцээнүүдийг хойшлуулахаар болжээ. 

Гуравдугаар сарын 29-нд болох Ромын марафон гүйлт 2021 он хүртэл хойшиллоо.

Олон улсын жүдо бөхийн холбоо Марокко хотод гуравдугаар сарын 6-8нд болох байсан Рабат Гран При тэмцээнийг цуцлав.

Энэ сарын 11-22-нд Арабын Нэгдсэн Эмират улсын Ал Айн хотод зохиогдох байсан буудлагын пара спортын дэлхийн аварга шалгаруулах тэмцээн цуцлагдлаа.

Apple, Amazon, Facebook , Twitter зэрэг компаниуд 3-р сарын 13-22-нд Остин хотод болох SXSW кино, хөгжим, технологийн бага хуралд оролцохоос татгалзсаны дараа тус хурал цуцлагдсан байна. 

Дэлхийн утга зохиолын салбар дахь хамгийн том чуулга уулзалт цуцлагдсан байна. Арга хэмжээг 3-р сарын 10-12-ны өдрүүдэд зохион байгуулахаар төлөвлөгдсөн бөгөөд дэлхийн өнцөг булан бүрээс 25,000 орчим нийтлэгч, зохиолч, төлөөлөгч оролцох төлөвтэй байжээ.

3-р сарын 16-20-ны хооронд Сан Франциско хотод болох Тоглоомын хөгжүүлэгчдийн бага хурлыг зун хүртэл хойшлуулахаар төлөвлөжээ.

Hong Kong Filmart : Азийн кино урлаг дахь хамгийн чухал үйл явдал болох Hong Kong Filmart 2020 оны 8-р сарын 27-29-ний өдөр хүртэл хойшлогдлоо.

BTS болон бусад K-поп хамтлагууд Өмнөд Солонгос дахь арга хэмжээнүүдээ 4-р сарыг хүртэл цуцаллаа.

Korea Times хөгжмийн наадам: Жил бүр уламжлал болгон зохион байгуулагддаг уг наадмыг 4-р сарын 25 хүртэл хойшлуулав.

Лондон хот дахь Уэмбли цэнгэлдэх хүрээлэнд тоглолтоо хийх Евро 2020 хөл бөмбөгийн тэмцээний талаар Европын хөл бөмбөгийн удирдах зөвлөл энэ зуны Евро-2020 тэмцээнийг ирэх жил хүртэл хойшлуулах шийдвэр гаргажээ.