Их сургуулийн сайд Гаэтано Манфреди засгийн газар энэ жил оюутны докторын төгсөгчдийг төгсөлт болохоос найман,есөн сарын өмнө ажиллуулахыг зөвшөөрч байгаа бөгөөд коронавирусийн эсрэг тэмцэхэд тусалж байгаа учраас шалгалтаас нь чөлөөлж байна гэж Ройтерс агентлаг мэдээлэв.

"Энэ нь үндэсний эрүүл мэндийн тогтолцоонд нэн хэрэгтэй байгаа хүн хүчний асуудлыг шийдвэрлэхэд чухал үүрэг гүйцэтгэх шийдвэр юм" гэж тэрбээр Ройтерс агентлагт өгсөн мэдэгдэлдээ дурджээ.

Тэдгээр оюутан эмч нар эмнэлэг, асрамжийн газарт хүч сэлбэх бөгөөд ингэснээр илүү туршлагатай эмч нар халдварын голомт болсон газруудад ажиллах боломжтой болох аж.

Сүүлийн 24 цагийн дотор Италийн амь үрэгдэгсдийн тоо 2,350-д хүрч, халдвар авсан хүмүүсийн тоо 27,980-аас 31,506 болж нэмэгдсэн гэж Ройтерс агентлаг мэдээлэв.

Албаны хүмүүсийн мэдээлж байгаагаар Италийн хойд хэсэгт, тэр дундаа Ломбарди мужид илүү эрчимт эмчилгээний орны тоог нэмэгдүүлэхийг оролдож байгаа боловч мэргэшсэн боловсон хүчин дутагдалтай байгаа гэж албаны эх сурвалж мэдээллээ.

Сүүлийн гурван долоо хоногт Ломбардийн бүсэд 1,134 хүн эрчимт эмчилгээнд орох ёстой байсан ч ердөө 800 ор байсан гэж Миланы Поликлиникогийн эмнэлгийн эрчимт эмчилгээний тасгийн эрхлэгч Жиакомо Грасселли хэллээ.

"Ломбарди сүйрэх шатандаа байна" гэж тус бүс нутгийг удирдаж буй Лигийн намын дарга Маттео Салвини мэдэгджээ. 

Тус улс өдгөө хөл хорио тогтоогоод байгаа бөгөөд хууль сахиулах ажилчид үүнийг зөрчсөн 7,890 хүнийг өнгөрсөн долоо хоногт баривчилсан байна.