Францын соёлын сайд Франк Ристер коронавирус (Ковид-19)-ын халдвар авсан болох нь тодорхой болсон тухай албаны эх сурвалжууд даваа гаригийн орой мэдэгдэв. Эрүүл мэндийн сайд Оливье Вераны хэлснээр "Соёлын сайдыг гэрт нь тусгаарласан. Түүний биеийн байдал сайн байгаа." гэж мэдэгджээ.
Үүнээс гадна Францын ерөнхий ассамблейн 5 гишүүн мөн коронвирусийн халдвар авсан юм.
Тэрбээр Эммануэль Макронтой хэд хоног уулзаагүй гэж Францын хэвлэл мэдээллийн хэрэгслээр мэдээлсэн боловч үнэндээ өнгөрсөн лхагва гаригт Францын Ерөнхийлөгчтэй хийсэн Засгийн газрын хуралдаанд цуг оролцсон болохыг эх сурвалжууд баталж байгаа юм.
Соёлын сайд өнгөрсөн долоо хоногт гарагт кино урлаг, уран сайхны салбарын төлөөлөлтэй уулзаж Ковид-19 тахал өвчний эсрэг авч хэрэгжүүлж буй шинэ арга хэмжээний үр нөлөөг үнэлж, олон нийтийн цугларалтыг хориглох шийдвэр гаргасны дараа ийнхүү халдвар авсан нь илэрсэн байна.
Францад 300 гаруй концертын танхим, театрууд, тэр дундаа Дуурийн театр, шинэ Филармоний де Парис болон Ле Зенит хэмээх 1000 гаруй суудалтай концертын танхимууд тодорхойгүй хугацаагаар хаагдаад байгаа аж. Мөн жил бүрийн 3-р сарын 20-23-ны хооронд зохион байгуулагддаг Францын Салон ду Ливр хотын соёлын үзэсгэлэнг мөн хойшлуулжээ. Тус үзэсгэлэн нь дунджаар 160 мянган хүн хүлээж авдаг асар том арга хэмжээ юм.
