АНУ-ын "West Texas Intermediate" маркийн нефтийн үнэ Даваа гарагийн 04:23 цагийн байдлаар 33,16 хувиар буурч баррель нь 27.59 ам.доллар болжээ. Олон улсын жишиг үнэ болох "Brent" маркийн түүхий үнэ 30.33 хувиар буурч баррель нь 31.54 доллар болжээ.

Бямба гарагт Саудын Араб ирэх 4-р сард томоохон хямдрал зарлаж, тус улс үйлдвэрлэлийнхээ хэмжээг өдөрт 10 сая баррелиас дээш болгож нэмэгдүүлэхээр бэлтгэж байна гэж "Ройтерс" агентлаг мэдээллээ. Тус улс одоогоор өдөрт 9.7 сая баррелийг гаргадаг боловч энэ тоог өдөрт 12.5 сая баррель болгох хүчин чадалтай.

"Бид ОПЕК болон ОХУ-ын газрын тосны үнийн дайныг энэ амралтын өдрүүдэд тодорхой байдлаар эхлүүлсэн гэдэгт итгэж байна. Энэ үед Саудын Араб улс түүхий эдээ зарж буй үнээ 20 жилийн доод хэмжээнд хүртэл бууруулж чадсан" гэж "Goldman Sachs"-ийн шинжээч Дэмиен Курвалин ням гарагт үйлчлүүлэгчдэд өгсөн мэдэгдлийнхээ үеэр хэлэв.

"Коронавирусын улмаас газрын тосны эрэлт их хэмжээгээр унасантай холбоотой үнийн дайн эхэлсэн. Өмнөх үнийн дайн болсон 2014 оны арван нэгдүгээр сартай харьцуулахад газрын тосны зах зээлийн байдал илүү ноцтой байдалд хүрээд байна" гэж шинжээч Эмрих Мюллер хэлжээ. 

Саудын Арабын үнийн бууралт өнгөрсөн долоо хоногт Вена хотод болсон хэлэлцээрээс болж буурсан юм. Пүрэв гаригт ОПЕК нь дөрөвдүгээр сараас эхлэн жилийн эцэс хүртэл өдөрт 1.5 сая баррель бууруулах нэмэлт үйлдвэрлэлийг санал болгов. Гэвч ОПЕК-ийн холбоотон Орос баасан гаригт энэхүү саналыг хүлээж авахгүйгээ мэдэгдсэн юм.