Коронавирусийн нөлөөгөөр агаарын бохирдол огцом буурсан болохыг НАСА сансрын зургаар харуулжээ
АНУ-ын сансар судлалын хүрээлэн болох НАСА Хятадын агаарын бохирдол сүүлийн 2 сарын хугацаанд хэрхэн буурсан болохыг хиймэл дагуулаас авсан зургийн тусламжтай харуулжээ.
НАСА-ийн мэргэжилтнүүд энэхүү өөрчлөлт нь коронавирусээс болж тогтоосон хөл хориотой шууд холбоотой хэмээн мэдэгджээ.
Дэлхийн хамгийн том хүлэмжийн хий ялгаруулагч Хятад улс олон тооны үйлдвэр, цахилгаан станцаа түр хугацаагаар хааж халдварын голомтуудад хөл хорио тогтоосны хүчинд шатахууны хэрэглээ ч мөн буурсан юм.
Дээрх зураг дээр автомашин, цахилгаан станцууд, үйлдвэрүүдээс гарсан азотын давхар исэл, хорт хий нь 2 сарын хугацаанд хэрхэн буурч байгааг харуулсан аж.
Халдварын голомт болсон Хятадын Ухань хотын агаарыг өмнөх жилийн мөн үетэй харьцуулсан зураг
Мөн эрдэмтэд коронавирусийн нөлөөгөөр 2-р сарын эхнээс дунд хүртэлх хоёр долоо хоногийн дотор дэлхий даяар хүлэмжийн хийн ялгаруулалт 25 хувиар буурсан болохыг олж тогтоосон байна.
Дэгдэлт эхэлсэн Хятад улсад коронавирусын 80,000 тохиолдол бүртгэгдсэн бөгөөд бөгөөд бараг 2900 хүн нас баржээ.
НАСА-ийн эрдэмтэд бохирдлын бууралт дэгдэлтийн эх үүсвэр болох Ухань хотоос эхэлсэн бөгөөд эцэст нь улс даяар тархсан гэж мэдэгдэв.
Годдард Сансрын нислэгийн төвийн агаарын чанарын судлаач Фэй Лю: "Би ийм өргөн цар хүрээнд ийм огцом бууралт харж байсангүй" гэж хэлжээ
Хамгийн сүүлд 2008 оны эдийн засгийн хямралын үеэр азотын давхар ислийн хэмжээ огцом буурсан боловч энэ удаагийнх шиг өргөн цар хүрээг хамраагүй юм байна.
