Болгарийн зөнч Ванга аюулт өвчний тухай зөгнөсөн гэх мэдээлэл цахим ертөнцөөр тархсан ч тодорхой баримт олдоогүй. Харин О.Төмөрийн 2015 онд туурвисан “Дэлхийн нууц товчоо” номын 178,179-р хуудсанд тус өвчний тухай  ийнхүү зөгнөжээ.

“Ямар заваан юм бэ

Азийн нэг улсын мал нядалгааны газар

Нян үржих суурь дэвсгэр болно

Коронавирус нь вирусын том бүлэг бөгөөд амьтдын дунд эргэлтэнд байдаг халдварт өвчин юм байна. 2019-nCoV вирусийн халдвар анх Хятад улсын Хубэй мужийн нийслэл 11 сая хүн амтай Ухань хотын далайн гаралтай хүнсний бүтээгдэхүүн болон мал, зэрлэг амьтад худалдаалдаг далайн хүнсний захаас 2019 оны 12-р сарын 12-ноос 29-ны хооронд гарсан гэж үзэж байна. Энэхүү зах бол нян, бичил биет хамгийн их өсөж үрждэг газар. Энд бүтээгдэхүүний чанарын хяналт маш сул, махыг эрүүл ахуйн бус орчинд хуваан борлуулдаг. Дээр нь төвийн ус, бохирын шугамд холбогдоогүй юм байжээ.

Вирусийн  үүсэл одоогоор тодорхойгүй байгаа хэдий ч эрдэмтэд энэ төрлийн вирус төрөл бүрийн амьтдад байдаг, энэ удаагийн тархалт сарьсан багваахай болон могойноос үүсэлтэй байх боломжтой гэсэн судалгаануудыг дэвшүүлсэн байна.

Тус захыг нян үржих суурь дэвсгэр болсон гэж үзвэл..

Нян тодорхойлох, хөгжүүлэх газар болно гэж юуг зөгнөв.

Хятадад анх коронавирус тархсан Ухань хотод Хятадын биологи-химийн нэр хүндтэй лаборатори Вирус судлалын хүрээлэн 2018 оны нэгдүгээр сард нээгджээ.Тэдний буруугаас болоод үл мэдэгдэх штамм дэгдсэн юм биш биз?  Энэ хүрээлэнгийн үйл ажиллагаа өвчин дэгдэх шалтгаан болов уу?

Тус лаборатори дэлхийд бараг цор ганц гэхэд болохоор 4-р буюу хамгийн дээд зэргийн аюулгүйн түвшинтэй. Энд Эбола вирус зэрэг үхлийн аюултай өвчин үүсгэгч аюултай бичил организмтай туршилт явуулдаг байна. Хятадад шинэ вируст өвчлөлтэй тэмцэх, вирусын цэвэрлэсэн штамм хадгалах, өөрийн гэсэн вирусы номын сантай болох дэвшилтэт төв байгуулахаар шийджээ.

Крайс нэртэй нийтийг хамарсан

Cоmmon туршилтын дээж өсгөвөр

Уханийн вирус судлалын хүрээлэн зөвхөн аюултай өвчний эм хайх үйл ажиллагаа явуулдаггүй. Энэ лабораторийг биологийн зэвсэг бүтээх төрийн нууц хөтөлбөрт оролцож байсан гэж Израилийн тагнуулын офицер асан Дэни Шохам мэдэгджээ. “Лабораторийн зарим хэлтэс нь Хятадын биологийн зэвсэг боловсруулах ажилд оролцож байсан” гэж тэрбээр тэмдэглэжээ.

 

1 сарын сүүлчээр ОХУ-ын Төрийн Думын гишүүн Наталья Поклонская “Үхлийн аюулт коронавирус нь Хятадын эсрэг хэрэглэж буй биологийн зэвсэг байж магадгүй”, “коронавирусийг зориудаар гаргасан байх магадлалтай” гэж мэдээлсэн юм.

Мөн мэргэжилтнүүд коронавирусийн тухайд лабораторийн туршилтууд бүтэлгүйтэж, хэн нэг ажилтан алдаа гаргаж, аюулт “тахал” тарсан байж болох талаар өгүүлсэн байна.

 

Гэнэт эрх ашгийн төлөө хулгайлагдан

НҮБ-ын Биологийн зэвсгийн асуудал эрхслэн комиссын гишүүн асан Игорь Никулин “Вирус био лабораториос гарч байж магадгүй гэдэгт би эргэлзэж байна. Цаг хугацаа, газраа маш төгс сонгожээ. Ухань бол энэ улсын яг төв, тээврийн томоохон зангилаа газар. Халдвар Хятадын цагаан сарын өмнөхөн дэгдлээ.

Хэрвээ энэ хорлон сүйтгэх ажиллагаа бол дотоодоосоо гэхээсээ илүү гаднаас нөлөөтэй. Хүмүүсийг уушгины хатгалгаа, шувууны ханиад, гахайн ханиад зэрэг вирусээр хордуулна гэдэг бол англосаксон, америкчуудын тактик” хэмээн тэрбээр тэмдэглэжээ.

 

Газар газрын эрдэмтэд, засгийг сандаргана

Дэлхийн эрүүл мэндийн байгууллагын  Онцгой байдлын хороо Женев хотод 1 сарын 30-нд хуралдаж шинэ төрлийн корона вирусний халдвар Хятадаас өөр олон улс оронд бүртгэгдсэнтэй холбогдуулан олон улсын хэмжээнд онц байдал зарлажээ.

“Их 20”-ийн гишүүн орнуудын Сангийн сайд нар Саудын Арабад 2 сарын 22, 23-нд уулзах үеэрээ шинэ төрлийн коронавирусын халдварын тархалт дэлхийн эдийн засаг, санхүүгийн систед учруулах эрсдлийг бууруулах арга хэмжээнүүдийн талаар хэлэлцэх юм байна.

АНУ, Япон, Европын олон оронд уг халдварын улмаас хувьцааны ханш, нефтийн үнэ унахад нөлөөлсөн юм.

 

Гэмгүйг буруутган шалгах зуур

Ухань хотын эмч Ли Вэнлиань анх "SARS-тай төстэй" шинэ өвчин дэгдсэн талаар “WeChat” сүлжээнд 12 сарын 30-нд анхааруулсан байна.  Түүнийг нийгмийн аюулгүй байдлын газраас “нийгмийн эмх журмыг алдагдуулах зорилгоор худал мэдээлэл тараасан” гэдгээ зөвшөөрөхийг шаардсан 8 эмчийн нэг нь байжээ. Тэрбээр корона вирусний халдвар авсны улмаас 2020 оны 2 дугаар сар 6-нд нас баржээ.

БНХАУ-ын Коммунист намын төв хорооны Сахилга батыг хянан шалгах хороо “2019-nCoV” коронавирусний дэгдэлтийн талаар анх мэдээлсэн, мөн өөрөө халдвар авсан эмч Ли Вэнлиань нас барсантай холбогдуулан, түүний анхааруулгыг орон нутгийн удирдлагууд үл тоомсорлосон эсэхийг тогтоох зорилгоор хянан шалгах багаа Хубэй муж руу илгээжээ.

Ннийтэд Гучин дөрөв, таван мянгаар халдварлагдана” хэмээн бичжээ.

Үндэсний Эрүүл мэндийн комиссын мэдээлснээр 2020 оны 2 сарын 7-ны байдлаар Хятад улсад шинэ төрлийн коронавирусээр үүсгэгддэг уушгины хатгалгааны улмаас нас барсан хүний тоо 722 хүрч коронавирусний халдвартай хүний тоо 34546 хүрсэн байна.  

Номын 179 –р зөгнөлийн тайлал:

 “Халуун орны хатгалгаа өвчин

Хатуу далдуу модны ёроолд

Хаягдсан шилэн шингэн дотроос”

Хятадад био лаборатори нээгдэж байгаа тухай мэдээг барууны эрдэм шинжилгээний байгууллагууд тун таагүйхэн хүлээж авсан. Тэд Хятадыг тахал гарсан үед онц байдлын систем нь сул гэж үзэж байлаа.

Рутгерсийн их сургуулийн биологич Ричард Эрбрайт Хятадад ямар ч нөхцөлд аюултай вирусын судалгаатай холбоотой нөхцөл байдал хяналтаас гарч магадгүй гэж мэдэгдсэн байна.

Барууны хэвлэлээр шинэ төрлийн коронавирусийн халдвар авсан хүмүүсийн дунд Уханийн лабораторийн ажилтан Жоу Пэнийн ахалсан судалгааны багийнхан бараг бүрэн бүрэлдэхүүнээрээ байсан тухай мэдээлжээ.

 

Хорин дөрөв хувилан тарна

2003 онд дэлгэрсэн “SARS”-ын халдварыг анх илрүүлж байсан доктор Жонг Наншань, түүний багийнхан коронавирусийн халдварын нууц үеийг 24 хоног болохыг нотолжээ.

 

Гучин мянга таван зуу илүү хүн

Гүлдийн унаж шархлахаас өмнө

Хятадын үндэсний Эрүүл мэндийн комиссын мэдээлсэнээр 2020 оны 2 сарын 7-ны байдлаар шинэ төрлийн коронавирусээр үүсгэгддэг уушгины хатгалгааны улмаас нас барсан хүний тоо 722 хүрч коронавирусний халдвартай хүний тоо 34546 хүрсэн байна.  

Номын туурвигч О.Төмөр нь энэхүү вирус үүсэх, алдагдах, тархах, олон улсыг хамрах, 35,000 хүнд халдварлах энэ агшинг харж бидэнд анхааруулсан мэт санагдаж байна. Арай  35,000 хүн алтан амиа алдах эсхүл өөр ямар нэг утгатай юм болов уу.

Гарыг гадагш даялж эмчил

Гарыг дотогш шударч ариутга” хэмээн бичжээ.

Вирусийн халдварын “мөсөн уул”- хэзээ ил гарах вэ?

Корона вирусийг зогсоохгүй бол хүн төрөлхтний 60 хувьд халдварлаж 45 сая хүнийг үхэлд хүргэх магадлалтай хэмээн Хонконгийн анагаах ухааны ажилтан Профессор Леунг дурджээ.

Нийгмийн мэдээллийн хэрэгслээр Ухань хотын чандарлах байгууламжууд хэвийн ажиллаж байгаа гэж мэдэгдсэн боловч вирусийн улмаас нас барсан хүний тоо тус улсын мэдээлж байснаас хамаагүй өндөр байх магадлалтай гэж “Dailymail”-д дурджээ.

 

Тэгвэл коронавирус хэдэн хүнд халдварлах вэ?, тархалт нь хэзээ зогсох вэ?

Энэ талаар номын зохиогчтой уулзсан ярилцлагаа дараагийн мэдээгээр хүргэх болно.

Мөн “Дэлхийн нууц товчоо” номд багтсан зөгнөлүүдийн тухай, ном хэвлэгдсэнээс хойшхи 2016-2020 оны зөгнөлүүд биелсэн эсэх тухай удахгүй мэдээлэх болно.