Ши Жиньпин коронавирусийн халдвар авсан өвчтөнүүдийн эмчлүүлж буй эмнэлэгт зочилжээ
БНХАУ-ын удирдагч Ши Жиньпин коронавирусийн халдвар авсан өвчтөнүүдийн эмчлүүлж буй эмнэлэгт зочилжээ.
Тэрбээр 1-р сарын сүүлчээс олны нийтийн өмнө гарч ирээгүй бөгөөд 2-р сард анх удаа олон нийтийн ажилд оролцож байгаа нь энэ юм.
Ши Жиньпин тус эмнэлэгт зочлохдоо амны хаалт зүүн өөрийн биеийн температураа шалгуулсан төдийгүй ариутгагч бодисоор гараа цэвэрлэсэн байна. Түүний ийм энгийн үйлдэл хийж байгаа зураг цахим орчинд иргэдийн анхаарлыг татсан төдийгүй зарим хүмүүс Ши Ши Жиньпинийг бидний адил энгийн хүн юм байна гэх хошигносон сэтгэгдлүүд бичиж үлдээжээ.
Тэрбээр ийнхүү олны өмнө гарч ирэхдээ коронирустай тэмцэх ажлыг илүү эрчимжүүлэх болно хэмээн мэдэгдсэн байна.
Дэлхий дахинд коронавирусийн халдвартай хүмүүсийн тоо 43100 болж, нас барсан хүмүүс 1018-д хүрлээ.
Өнөөдөр БНХАУ-д албан ёсны 42200 гаруй батлагдсан тохиолдол бүртгэгдэгдээд байна. Энэ нь 2002-2003 онд гарч 900 гаран хүний амимнд хүрсэн Сарсын дэгдэлтээс хойш тус улсад тулгарч байгаа нийгмийн эрүүл мэндийн ноцтой хямрал болоод байгаа юм.
Энэ байдал нь Хятадын иргэдийн дунд маш их эргэлзээ үүсгэж коммунист намд итгэх итгэл буурах эрсдэл үүссэн байна. Харин Хятадын дарга Ши Жиньпин иргэдийн эргэлзээг арилгахын тулд ийнхүү Бээжингийн гудамжаар маск өмсөн алхаж, мэдэгдэл хийжээ.
Тэрбээр, "Одоогийн байдал маш ноцтой байгаа нь үнэн. Гэхдээ Хятадын удирдлага вирусийн тархалтыг хязгаарлах бүх арга хэмжээг авч байгаа ба бидэнд тулгарч буй эдийн засгийн уналтыг багасгах арга хэмжээг мөн эхлүүлж байна" гэсэн юм.
