Энэхүү жагсаалтыг тус сэтгүүл жил бүр гаргадаг бөгөөд тамирчдын сүүлийн 12 сард авсан цалин хөлс, шагнал урамшуулал, реклам зар сурталчилгаанаас олсон орлого зэргийг нь тооцдог аж.

Ингээд та бүхэнд 2020 оны хамгийн чинээлэг тамирчдыг танилцуулъя.

10 Кристиано Рональдо /Cristiano Ronaldo/ - 460 сая ам.доллар

Португалийн хөлбөмбөгчин Кристиано Рональдо жагсаалтын 10-рт бичигджээ. Тэрбээр 2018 онд "Juventus" клубтэй 100 сая еврогийн гэрээ байгуулснаар дэлхийн хамгийн их орлоготой тамирчинд тооцогдож байжээFormula One.

Мөн Рональдо  нь"Nike", "Tag Heuer", "Herbalife", "KFC", "EA Sports", "American Tourister" томоохон брэндүүдийн нүүр царай юм. 

9 Эдди Жордан /Eddie Jordan/ - 475 сая ам.доллар

Зодог тайлсан "Formula 1" уралдааны нисгэгч Эдди Жордан нь 1971-74 оны хооронд тус тэмцээнд 4 дараалан түрүүлж байжээ. 

Тэрбээр өдгөө өөрийн гэсэн "Formula 1"-ийн багтай бөгөөд олон тооны автомашины үйлчилгээ үзүүлдэг бизнестэй болж чаджээ. 

8 Леброн Жеймс /Lebron James/ - 480 сая ам.доллар

NBA буюу Хойд Америкийн үндэсний сагсан бөмбөгийн лигийн гурван удаагийн аварга, дөрвөн удаагийн үнэ цэнэтэй тоглогч Леброн Жеймс дөрвөн жилийн 154 сая ам.долларын гэрээгээр "Los Angeles Lakers"  багт 2018 онд нэгдэж байсан юм. 

Тэрбээр мөн "Nike", "Coca-Cola", "Beats By Dre", "Blaze Pizza", "2K Sports" зэрэг брэндүүдтэй гэрээтэй бөгөөд өнгөрсөн жилд 45 сая ам.долларын орлого олсон байна. 

7 Флойд Мэйведер /Floyd Mayweather/ - 565 сая ам.доллар

Мэргэжлийн боксчин Флойд Мэйведер нийт 50 тулаан хийснээс нэгэнд ч ялагдаагүйгээрээ урьд өмнө нь хэзээ ч байгаагүй амжилтын эзэн болсон байна. Тэрбээр мөн "Mayweather Promotions" хэмээх боксын тэмцээний сурталчилгааны компанийг үүсгэн байгуулагч юм.

Мэйведер 2017 оны 8-р сард холимог тулааны аварга Конор МакГрегорын эсрэг хийсэн тулаанд ялсныхаа дараа 300 сая ам.долларын цалин авсан байдаг. 

6 Рожер Стаубах /Roger Staubach/ - 600 сая ам.доллар

Рожер Стаубах бол Америкийн мэргэжлийн хөлбөмбөгийн лиг буюу "NFL"-д тоглогч байсан тамирчин юм

1969 онд Стаубах Даллас Ковбойс багт элсэж, карьерынхаа 11 улиралд бүгдэд нь тоглосон. Тэрбээр таван супер цомын төлөөх тэмцээнд 5 удаа оролцсоноос 3-т нь ялж дээд амжилт тогтоож байсан аж. 

Стаубах өдгөө үл хөдлөхийн "JLL" компанийн гүйцэтгэх захирлын албыг хашдаг бөгөөд компанийн багагүй хувийг эзэмшдэг байна. 

5 Мэжик Жонсон /Magic Johnson/ - 600 сая ам.доллар

Мэжик Жонсон бол Америкийн мэргэжлийн мэргэжлийн сагсан бөмбөгчин юм. Жонсон NBA-sy “Los Angeles Lakers” багт 13 улирал тогложээ. Тэрбээр тоглогчийн хувьд олон шагнал хүртсэн байдаг.

Одоо Мэжик Жонсон “Los Angeles Lakers”-ийн сагсан бөмбөгийн үйл ажиллагаа хариуцсан захирлын үүргийг гүйцэтгэдэг бөгөөд "Magic Johnson Enterprises" хэмээх худалдааны компанийн захирлын албыг хашдаг байна. 

4 Михаэль Шумахер /Michael Schumacher/ - 650 сая ам.доллар

"Formula 1" уралдааны түүхэн дэх хамгийн шилдэг нисгэгчид тооцогддог Михаэль Шумахер карьерынхаа туршид багаасаа нийт 300 сая ам.долларын цалин авсан байдаг. Мөн тэрбээр олон тооны брэндүүтэй гэрээ байгуулсан нь 2011 онд 250 сая еврогоор үнэлэгдэж байсан юм. 

3 Тайгер Вүүдс /Tiger Woods/ - 800 сая ам.доллар

Америкийн мэргэжлийн гольфчин Тайгер Вүүдс бүх цаг үеийн хамгийн алдартай, чинээлэг гольфинд тооцогддог. Тэрбээр 2008-13 оны хооронд дэлхийн хамгийн өндөр орлоготой тамирчинд тооцогдож байжээ. 

2 Майкл Жордан /Michael Jordan/ - 1.9 тэрбум ам.доллар

Майкл Жордан бол Америкийн зодог тайлсан мэргэжлийн сагсан бөмбөгчин юм. Тэрбээр NBA-ын нийт 15 улирлыг "Chicago Bulls", "Washington Wizards" багуудад тоглож өнгөрөөсөн байдаг. 

Жордан бүх цаг үеийн шилдэг сагсан бөмбөгчинд тооцогддог бөгөөд зодог тайлснаас хойш "Charlotte Hornets" багийн үндсэн эзэн болжээ.

Майкл Жордан "Nike" компанитай насан туршын гэрээ байгуулсан бөгөөд өөрийн гэсэн "Air Jordan" хэмээх брэндээс асар их хэмжээний ашиг олдог юм. 

1 Ион Тириак /Ion Tiriac/ - 2 тэрбум ам.доллар

Дэлхийн хамгийн баян тамирчин болох Ион Тириак бол Румын улсын мэргэжлийн мэргэжлийн теннисчин, хоккейчин, бизнесмен юм.

Тэрбээр анх теннисний спортоор гараагаа эхэлж байсан тэрбээр олон тооны тэмцээн уралдаанд ялж байсан юм. Мэргэжлийн спортоос зодог тайлсныхаа дараа Тириак одоо дэлхийд алдартай "Мутуа Мадрид"-ын нээлттэй теннис тэмцээний эзэн болжээ. Тэрбээр мөн Францын мэргэжлийн теннисчин Лукас Пуэллийн менежерээр ажилладаг байна.

Анх 1999 онд Ион Тириак "Tiriak Bank" хэмээх банкийг байгуулж бизнесийн салбарт хөлж тавьж байсан аж. Өдгөө тэрбээр "Tiriac Holdings", "TiriacAIR", "HVB Tiriac Bank", "Allianz-Tiriac Asigurari Romania", "TiriacAuto", "Tiriac Leasing", "Tir Travel" зэрэг олон компаниудыг эзэмших болжээ.