АНУ-ын зэвсэгт хүчний элчин сайд Роберт Вуд уг мэдэгдлийг "инээдэмтэй зүйл" хэмээн мэдэгдээд "Ираны засгийн газар терроризмыг албан ёсоор дэмждэг болохоо харуулж байна" гэжээ.

Трамп 2018 онд дэлхийн гүрнүүдтэй хийсэн цөмийн хэлэлцээрээс АНУ-г гаргаж, Иранд нэмэлт хориг арга хэмжээ авснаас хойш хурцадмал байдал улам бүр нэмэгдсээр байсан бөгөөд энэ сарын эхээр Ираны хамгийн нөлөө бүхий цэргийн генералыг хөнөөснөөр тус 2 орон дайтах дээрээ тулаад байсан билээ. 

Ираны парламентын гишүүн Ахмад Хамзех чуулганы үеэр Трампын хөнөөсөн хүмүүст шанал өгөхөө зарласан. Одоогийн байдлаар Ираны бусад улс төрчид энэхүү шийдвэрийг нь дэмжиж байгаа эсэхээ мэдэгдээгүй байгаа юм. 

"Хэрэв бид өнөөдөр цөмийн зэвсэгтэй байсан бол ийм зүйл болохгүй байсан юм. Бид илүү хүчирхэг байлдааны зэвсэглэл үйлдвэрлэх тал дээр илүү анхаарах хэрэгтэй. Ялангуяа алсын тусгалтай пуужин үйлдвэрлэх боломж бидэнд байгааг бодож үзээрэй." гэж Ахмад Хамзех сэтгүүлчдэд өгсөн ярилцлагын үеэр дурджээ.

АНУ болон түүний барууны холбоотнууд Ираныг цөмийн зэвсэг үйлдвэрлэхийг санаархаж байгаа хэмээн эртнээс буруутгаж ирсэн билээ. Тегеран удаа дараа цөмийн зэвсэг үйлдвэрлэх бодолгүй, харин цөмийн цахилгаан станц барихын тулд ураны боловсруулах туршилт хийж байна гэж мэдэгдсэн боловч барууны орнууд, тэр дундаа АНУ-ын зүгээс Иранд эдийн засгийн маш хатуу хориг тавиад байгаа юм.