Франц улс хүрээлэн буй орчин бохирдуулдаг тээврийн хэрэгслийн албан татварыг нэмэгдүүлэхээр болжээ. Ингэснээр тус улсын эрх баригчид автомашины тоог бууруулахаар зорьж байгаа бөгөөд ирэх онд автомашинаас ялгарч буй утааны хэмжээг 20 хувиар бууруулах зорилт тавьсан байна. 

Энэ долоо хоногт парламентаас баталсан хуулийн дагуу нүүрс хүчлийн хийн ялгаруулалт нь тодорхой босго хэмжээнээс давсан автомашинуудад 2020 онд 20,000 евро (22,240 ам.доллар)-ын торгууль ногдуулах юм. Үүний зэрэгцээ засгийн газар цахилгаан машин худалдаж авахад мөнгөн урамшууллыг бууруулах асуудлыг авч хэлэлцэж байгаа аж.

Энэхүү арга хэмжээ нь бодлого боловсруулагчид байгаль орчинд ээлтэй машиныг дэмжих арга замаа олж байгааг харуулж байна. Учир нь цахилгаан автомашины борлуулалт өнгөрсөн оны мөн үеэс 2 дахин өсөж нийт худалдан авалтын 30 хувийг дангаар бүрдүүлсэн болохыг зам тээврийн яам мэдээлсэн байна. 

Францын Сангийн яам энэхүү өөрчлөлтийн ачаар засгийн газар ирэх жилд 5 тэрбум еврогийн цэвэр орлого олох боломжтой гэж тооцжээ. Сангийн сайд Бруно Ле Майер мөн ачааны автомашины сурталчилгааг шүүмжилж, автомашин үйлдвэрлэгчид хүрээлэн буй орчинд бүтээгдэхүүн нь ямар хор нөлөө үзүүлэх талаар анхааруулах хэрэгтэй гэж мэдэгдсэн юм.